మహిళల టీ ట్వంటీ ప్రపంచకప్ లో ఇంగ్లాండ్ జట్టు అదరగొడుతోంది. సూపర్ ఫామ్ లో ఉన్న ఇంగ్లీష్ టీమ్ వరుసగా రెండో విజయాన్ని అందుకుంది. షార్జా వేదికగా జరిగిన ఉత్కంఠ భరిత మ్యాచ్లో ఇంగ్లండ్ మహిళల జట్టు 7 వికెట్ల తేడాతో దక్షిణాఫ్రికాపై విజయం సాధించింది. మొదట బ్యాటింగ్ చేసిన దక్షిణాఫ్రికా నిర్ణీత 20 ఓవర్లలో ఆరు వికెట్లు కోల్పోయి 124 పరుగులు చేసింది. ఓ దశలో సౌతాఫ్రికా 88 రన్స్ తో మెరుగైన స్థితిలో నిలిచినా..కానీ ఇంగ్లండ్ బౌలర్లు పుంజుకుని క్రమం తప్పకుండా వికెట్లు పడగొట్టి స్కోరుబోర్డును కట్టడిచేశారు. అనంతరం ఇంగ్లండ్ 19.2 ఓవర్లలో మూడు వికెట్లు కోల్పోయి లక్ష్యాన్ని సాధించింది. ఈ విజయంతో ఇంగ్లీష్ టీమ్ గ్రూప్ బిలో టాప్ ప్లేస్ కు దూసుకెళ్ళింది.
