నయనతార ప్రధాన పాత్రలో నటించిన అన్నపూరణి సినిమా వివాదస్పదమైంది. ఓ వర్గాన్ని కించ పరిచేవిధంగా సన్నివేశాలు ఉన్నాయంటూ ఆమెపై కేసు కూడా నమోదైంది. దాంతో నిర్మాణ సంస్థ జీ గ్రూప్ బహిరంగ క్షమాపణలు చెప్పింది. అలాగే ఈ మూవీని ఓటీటీ ప్లాట్ఫామ్ నుంచి తొలగించింది నెట్ఫ్లిక్స్.
మధ్యప్రదేశ్లో రైట్ వింగ్ సంస్థ ఫిర్యాదు మేరకు నయనతారతో పాటు దర్శకుడు నీలేష్ కృష్ణ, నిర్మాతలు జతిన్ సేథీ, ఆర్ రవీంద్రన్, నెట్ఫ్లిక్స్ ఇండియా కంటెంట్ హెడ్ మోనికా షెర్గిల్పై కేసు నమోదైంది. ఈ వివాదంతో నెట్ఫ్లిక్స్ ఈ సినిమా స్ట్రీమింగ్ నిలిపేస్తున్నట్లు ప్రకటించింది.
ఇటీవలే ఈ చిత్రం ఓటీటీలో విడుదలైంది. కానీ, ఈ చిత్రాన్ని తాజాగా ఓటీటీ నుంచి తొలగిస్తూ.. చిత్ర నిర్మాణ సంస్థ షాకిచ్చింది. అన్నపూరణి సినిమాపై పలు హిందూ, బ్రాహ్మణ సంఘాల నుంచి అభ్యంతరాలు వ్యక్తమయ్యాయి.
