చింతపండు, పచ్చిమిర్చి, అల్లం సహా అనేక రకాల కూరగాయలు, బియ్యం, పప్పు ధాన్యాలు కూడా అనూహ్యంగా పెరిగిపోతున్నాయి. టమాటా ధర కిలో ఏకంగా రూ.196 వరకు పలుకుతోంది.
అందరూ టమాటా ధరల గురించే మాట్లాడుతున్నారు కానీ.. ఇతర కూరగాయలు, పప్పులు, బియ్యం ధరలు కూడా భారీగా పెరిగాయి. తెలుగు రాష్ట్రాల్లోనూ ప్రజలు ఇబ్బందులు పడుతున్నారు. దాదాపు నెల రోజుల నుంచి ఇదే పరిస్థితి నెలకొంది.
నాలుగు నెలల క్రితం 26 కిలోల బస్తా రూ.1,200-రూ.1,250 మధ్య ఉండగా, ఇప్పుడు రూ.1,450-రూ.1,550 వరకు పలుకుతోంది. అంటే సగటున ఒక బియ్యం బస్తా రూ.200-రూ.300 వరకు పెరిగింది. సగటున నెలకు ఒకటి.. ఒకటిన్నర బియ్యం బస్తా వాడేవారిపై నెలకు రూ.400-రూ.500 వరకు అదనపు భారం పడుతోంది.
వ్యవసాయ రంగ నిపుణుల అంచనా ప్రకారం.. ఇంకొంతకాలం టమాటా ధరలు ఇలాగే పెరగొచ్చు. వర్షాలు కొత్త పంటలు వేసేందుకు అనువుగా లేవు. దీంతో మరిన్ని రోజులు ధరలు ఇలాగే పెరుగుతాయి. ధరలు అదుపులోకి రావడానికి కనీసం రెండు నెలల సమయం పడుతుంది.
