తెలుగు రాష్ట్రాల్లో రికార్డు స్థాయిలో ఉష్ణోగ్రతలు కనిపిస్తున్నాయ్. ఉక్కపోత అప్పుడే మొదలైంది. ఏసీలకు పని చెప్పడం స్టార్ట్ అయింది. దీంతో వర్షాల సంగతి ఏంటి.. ఈసారి కూడా ఇబ్బందులు తప్పవా అని జనాలు అనుకుంటున్న వేళ.. వాతావరణ శాఖ చల్లని కబురు చెప్పింది.
పసిఫిక్ సముద్ర వాతావరణంలోని ఎల్నినో ప్రభావంతో సముద్ర ఉష్ణోగ్రతలు పెరుగుతాయి. ప్రపంచవ్యాప్తంగా వాతావరణ మార్పులకు కారణమవుతుంది. కోట్లాది మంది జీవితాలపై ప్రభావం చూపుతుంది. ఎల్నినో వల్ల ప్రపంచ ఉష్ణోగ్రతలు విపరీతంగా పెరిగిపోతాయి.
భవిష్యత్తులో ఎండల గురించి ఐరాస సంచలన విషయాలు వెల్లడించింది. రాబోయే ఐదేళ్ల కాలంలో ఎండలు మండిపోతాయట. 2023-2027 వరకు గతంలో ఎన్నడూ లేని విధంగా ఎండలు కాస్తాయని ఐరాస చెప్పింది. వరుసగా ఈ ఐదేళ్ల కాలం గతంలోకంటే ఎక్కువ ఎండలు నమోదవుతాయని ఐరాస స్పష్టం చేసింది.
