అత్యంత ఉత్కంఠ రేకెత్తిస్తున్న తెలంగాణ అసెంబ్లీ ఎన్నికల ఫలితాలు మరి కొన్ని గంటల్లో విడుదల కాబోతున్నాయి. ఎగ్జిట్ పోల్స్ సర్వేల్లో మెజార్టీ సంస్థలు ఒక పార్టీకే జైకొట్టినా.. కొన్ని సంస్థలు మాత్రం అధికారం మరోసారి అధికార పార్టీదే అని తేల్చేశాయి. ఇక కొన్ని సంస్థలు మాత్రం రాష్ట్రంలో హంగ్ తప్పదని.. బీజేపీ కింగ్ మేకర్గా మారే ఛాన్స్ ఉందని చెప్తున్నాయి. ఇలాంటి నేపథ్యంలో తెలంగాణ ఎన్నికలపై ఏపీలో ఓ రేంజ్లో బెట్టింగ్ నడుస్తోంది. ఏ పార్టీ అధికారంలోకి రాబోతోంది?
తెలంగాణ ఎన్నికల ఫలితాలు రావడానికి కొన్ని గంటల సమయం మాత్రమే ఉంది. ప్రధాన పార్టీలకు ఎవరి అంచనాలు వారికున్నాయి. 70కి పైగా సీట్లు వస్తాయని బీఆర్ఎస్ అంటోంది. అధికారంలోకి వచ్చేది తామేనని కాంగ్రెస్ ధీమాగా ఉంది. తెలంగాణలో కింగ్ మేకర్గా మారబోతున్నామని బీజేపీ చెప్తోంది. ఇందులో.. డిసెంబర్ 3న ఎవరి అంచనాలు నిజమౌతాయి? ఓటర్లు తీర్పు ఎలా ఉంది?
తెలంగాణలో హ్యాట్రిక్ అధికారమే లక్ష్యంగా కారు స్టీరింగ్ తిప్పుతున్న కేసీఆర్కు.. ఆ ఆశ అంత ఈజీగా నెరవేరే పరిస్థితులు కనిపించడం లేదు. వరుసగా రెండుసార్లు అధికారంలో ఉన్న పార్టీగా.. జనాల్లో వ్యతిరేకత ఉంది.
