టాలీవుడ్ ప్రముఖ హీరో నటుడు ( మల్లంపల్లి చంద్రశేఖర రావు ) చంద్రమోహన్ ఇవాళ ఉదయం అపోలో హాస్పిటల్ లో చికిత్స పొందుతూ కన్నుమూతశారు. కొంతకాలంగా అనారోగ్యంతో బాధపడుతున్న చంద్రమోహన్ 1966లో రంగులరాట్నం మూవీతో తెలుగు సినిమాల్లోకి ప్రవేశం చేశారు. అప్పటి నుండి సహనాయకుడిగా, కథనాయకుడుగా, హాస్యనటునిగా, క్యారెక్టర్ యాక్టర్గా ఎన్నో వైవిధ్యమైన పాత్రలు పోషించాడు.
సెంటిమెంట్లు లేని ఫీల్డ్ ఏదైనా ఉంటుందా.. సినిమాల్లో అయితే అదీ మరీ ఎక్కువ. అలాంటి సెంటిమెంట్లకు కేరాఫ్ చంద్రమోహన్. అలాంటి హీరో లేరు అన్న మాటే.. ఇప్పుడు చాలా మందితో కన్నీరు పెట్టిస్తోంది. తన నటనతో దాదాపు ఐదు దశాబ్దాల పాటు కోట్ల మంది సినిమా ప్రేమికులకు ఆనందాన్ని పంచిన చంద్రమోహన్ ఇక లేరు.
సినీ దిగ్గజం, ప్రముఖ సినీనటుడు ఈ లోకాన్ని విడిచివెళ్లిపోయారు. కొంతకాలంగా అనారోగ్యంతో బాధపడుతోన్న చంద్రమోహన్ ఆస్పత్రిలో చికిత్స పొందుతూ కన్నుమూశారు. చంద్రమోహన్ మృతికి సినీ రాజకీయ ప్రముఖులు సంతాపం తెలుపుతున్నారు.
