రామోజీ మార్గదర్శి సంస్థల గురించి ఉండవల్లి అరుణ్ కుమార్ మీడియా సమావేశం ఏర్పాటు చేశారు.
వివేకా కేసులో భాస్కర్ రెడ్డి అరెస్ట్, అవినాశ్ రెడ్డి విచారణ హడావుడిలో.. అసలు కేసు గురించి మాట్లాడుకోవడం మానేసింది ఏపీ ! అదే మార్గదర్శి చిట్ఫండ్స్ కేసు. అక్రమాలు జరిగాయని.. సీఐడీ ప్రత్యేక దర్యాప్తు మొదలుపెట్టింది. మార్గదర్శి సీఏతో సహా.. పలువురిని అదుపులోకి తీసుకుంది. మార్గదర్శి ఎండీ శైలజాకిరణ్, ఛైర్మన్ రామోజీరావును కూడా ప్రశ్నించారు సీఐడీ అధికారులు. మోసం చేస్తే ఎవరూ తప్పించుకోలేని వైసీపీ అంటుంటే.. కావాలని టార్గెట్ చేసి ఇబ్బందులు పెడుతున్నారని టీడీపీ నేతలు ఆరోపిస్తున్నారు.
చంద్రబాబు ఈనాడు సంస్థను అడ్డుపెట్టుకొని.. తనను పొలిటికల్గా టార్గెట్ చేస్తున్నారన్న ఫీలింగ్లో ఉన్న జగన్.. చాన్స్ దొరికిన ప్రతీసారి రామోజీని లక్ష్యంగా పెట్టుకుంటున్నారు. వైసీపీకి వ్యతిరేకంగా కావాలని రాతలు రాస్తూ.. జనాల్లో పార్టీని పలుచన చేసే ప్రయత్నాలు చేస్తున్నారని.. అసెంబ్లీ సాక్షిగా జగన్ ఈనాడు పత్రిక మీద గతంలో ఫైర్ అయ్యారు. చంద్రబాబు ఆర్థిక స్తంభాలను ఒక్కొక్కటిగా పెకిలించి వేయడమే జగన్ టార్గెట్గా పెట్టుకున్నారు.
