యంగ్ టైగర్ ఎన్టీఆర్, మాస్ డైరెక్టర్ కొరటాల శివ కాంబోలో వస్తున్న ఎన్టీఆర్ 30 గురించి ఎలాంటి అప్డేట్ వచ్చినా అది క్షణాల్లోనే వైరల్గా మారిపోతోంది. తారక్కు ఇప్పుడున్న క్రేజ్ అది. కేవలం ఇండియాలోనే కాదు. ట్రిపులార్ సినిమా తరువాత తారక్ గ్లోబల్ ఇమేజ్ సొంతం చేసుకున్నాడు. ఇప్పుడు తారక్ ఏ సినిమా చేసినా అది ప్రపంచవ్యాప్తంగా గుర్తింపు పొందుతుంది.
యష్రాజ్ ఫిలిమ్స్ స్పైవర్స్లో యంగ్ టైగర్ ఎన్టీఆర్ ఎంట్రీ ఇవ్వబోతున్నాడు. హృతిక్ రోషన్ హీరోగా రాబోతున్న వార్-2 సినిమాలో హృతిక్తో స్క్రీన్ పంచుకోబోతున్నాడు. ఈ సినిమా కోసం ఇప్పటికే తారక్ కాల్షీట్లు కూడా ఇచ్చేశాడట. ప్రస్తుతం కొరటాల శివ డైరెక్షన్లో NTR30 చేస్తున్నాడు తారక్.
కొరటాల డైరెక్షన్లో తెరకెక్కుతోన్న ఎన్టీఆర్30 మీద అంచనాలు ఆకాశానికి చేరిపోయాయ్. జనతా గ్యారేజ్లాంటి సూపర్హిట్ తర్వాత.. ఇద్దరి కాంబినేషన్లో సినిమా వస్తుండడం.. స్టోరీ ఆల్మోస్ట్ తెలిసిపోవడం.. సినిమా కోసం హాలీవుడ్ టెక్నీషియన్స్ రంగంలోకి దిగడంతో.. అభిమానుల్లో మరింత క్యూరియాసిటీ క్రియేట్ చేస్తోంది. దీంతో ఎన్టీఆర్ 30 మోస్ట్ ఆంటిసిపేటెడ్ మూవీగా మారింది.
జాన్వి బర్త్ డే రోజు... ఎన్టీఆర్ 30లో హీరోయిన్గా నటిస్తోందంటూ.. ఎనౌన్స్ చేశారు మేకర్స్. శ్రీదేవి పెద్ద ఎన్టీఆర్ సూపర్ హిట్ పెయిర్ గా రికార్డ్స్ సృష్టించారు. ఇప్పుడు జూనియర్ జాన్వీ తో కలసి ఎలాంటి రికార్డ్స్ సృష్టిస్తారో చూడాలి.
తనకు ఎన్టీఆర్ అంటే ఎంతో ఇష్టమని.. చాన్స్ వస్తే ఖచ్చితంగా ఆయనతో కలిసి నటిస్తానంటూ జాన్వీ కపూర్ గతంలో చాలా సార్లు చెప్పింది. ఇప్పుడు ఏకంగా తారక్ పక్కన హీరోయిన్గా నటించే అవకాశాన్ని దక్కించుకుని తన కల నెరవేర్చుకుంది.
