రాయపాటి, కోడెల కుటుంబాలు ఇప్పుడు జిల్లాలో రాజకీయంగా కనుమరుగు అవుతున్న పరిస్థితి కనిపిస్తోంది. కోడెల శివప్రసాదరావు ఆత్మహత్య చేసుకుని చనిపోగా.. రాయపాటి సాంబశివరావు వయోభారంతో యాక్టివ్ పాలిటిక్స్ చేయలేకపోతున్నారు.
కన్నాకు, రాయపాటికి మధ్య ఎప్పట్నుంచో విబేధాలున్నాయి. అలాంటిది కన్నాను టీడీపీలో చేర్చుకోవడంపై రాయపాటి ఆగ్రహంగా ఉన్నారు. దీంతో ఆయన పార్టీ మారడంపై ఆలోచన చేస్తున్నారు. వైసీపీలో చేరి, సత్తెనపల్లి నుంచి కన్నాపై పోటీ చేయాలని రాయపాటి భావిస్తున్నారు. ఈ విషయంపై వైసీపీతో రాయపాటి చర్చలు జరుపుతున్నట్లు తెలుస్తోంది.
జిల్లాలో సీనియర్ రాజకీయ నాయకుడిగా ఉన్న రాయపాటి సాంబశివరావు త్వరలోనే టీడీపీకి గుడ్ బై చెప్పి వైసీపీలో చేరతారనే ప్రచారం జోరుగా సాగుతోంది. రెండు సీట్లకు వైసీపీ అధిష్టానం నుంచి హామీ లభిస్తే ఆయన గోడ దూకేందుకు సిద్ధంగా ఉన్నారనే ప్రచారం జరుగుతోంది.
