తనకు ఎదురుతిరిగిన వారిని ఎలిమినేట్ చేయడంలో పుతిన్ వ్యూహాలు ఊహకందని రీతిలో ఉంటాయి. శత్రువులు ప్రపంచంలో ఎక్కడున్నా పుతిన్ పథకం వేస్తే తప్పించుకోవడం అసాధ్యం. గూఢచారిగా అది ఆయన హిస్టరీనే చెబుతుంది. చాలా మంది గూఢచారుల్లా తుపాకీకి సైలెన్సర్ బిగించి చంపడం కాదు పుతిన్ స్టైల్..
తుడుచుకుంటే పోతుంది అనుకుంటే నూటికి 99 సార్లు నేను తుడుచుకోడానికి రెడీ.. కానీ నేనే పోతాను అనుకుంటే.. నువ్వూ పోతావ్. ఈ డైలాగ్ రష్యాకు ఎగ్జాట్గా సెట్ అవుతుంది.
పుతిన్ మాస్ లీడరో.. డేంజరస్ కెప్టెనోనన్నది ఆయన భజనపరులుకే కాసేపు వదిలేస్తే.. కన్నీంగ్నెస్లో మాత్రం గుంటనక్కకు మించిన తెలివితేటలున్న ప్రపంచ మేధావి అయన. తాజాగా తమ అధ్యక్షుడిపై హత్యాయత్నం జరిగిందని.. యుక్రెయినే దీని వెనుక ఉందని రష్యా వాదిస్తోంది. అయితే నిజంగానే జెలెన్స్కీ సేనలు ఈ పని చేశాయా? లేకపోతే దీనివెనుక పుతిన్ 'బ్లాస్టర్' ప్లాన్ దాగుందా?
