Question Papers: తెలంగాణలో వరుస లీకులు.. భవితకు భరోసా ఏది ?
తెలంగాణలో అసలేం జరుగుతోంది. TSPSCకి సెక్యూరిటీ లేదు. టెన్త్ క్వశ్చన్ పేపర్స్కు ప్రొటక్షన్ లేదు. అన్నీ దాటుకుని కండక్ట్ చేసిన కోర్ట్ జాబ్ ఎగ్జామ్స్లో ఆన్సర్ క్లిక్ చేసేందుకు ఆప్షన్ లేదు. ఉద్యోగాల నియామకంలో ప్రభుత్వానికి ఎందుకింత అలసత్వం. ఏళ్ల తరబడి ఊరగాయలా నానబెట్టిన ఉద్యోగాలకు ఒకేసారి గంపాగుత్తగా నోటిఫికేషన్ ఇచ్చారు. సరే.. ఎప్పుడైతేనే నోటిఫికేషన్ వచ్చింది కదా అని అంతా పుస్తకాలు పట్టుకుంటే.. ఈ లీకుల వ్యవహారం విద్యార్థులు, నిరుద్యోగుల్లో ఉన్న సెల్ఫ్ కాన్ఫిడెన్స్ను దెబ్బతీస్తోంది. దానికి తోడు అసలు ఇది పెద్ద విషయమే కాదన్నట్టు నాయకులు ఇస్తున్న స్టేట్మెంట్లు.. ఈ ప్రభుత్వం మీద నిరుద్యోగులకు ఉన్న నమ్మకాన్ని పోగొడుతున్నాయి.
