వైటీపీని కాంగ్రెస్లో విలీనం చేసిన షర్మిల.. ఢిల్లీ వేదికగా హస్తం పార్టీ పెద్దల సమక్షంలో కండువా కప్పుకున్నారు. ఏపీ రాజకీయాల్లోకి షర్మిల ఎంట్రీతో.. ఏ పార్టీ మీద ప్రభావం పడుతుంది..
వేలకు వేల కిలోమీటర్లు పాదయాత్ర చేశారు.. రోజులకు రోజులు నిరాహార దీక్షలు చేశారు. పోలీసుల మీద చేయి చేసుకున్నారు.. తన మీద చేయి చేసుకున్నారని వివాదాలు సృష్టించారు. ఇన్ని జరిగాక.. ఎవరైనా సరే రాజకీయాల్లో హైలైట్ కావాలి. అదేంటో షర్మిల పరిస్థితి మరి! పొలిటికల్ మైలేజ్ రాకపోగా.. మీమర్లకు, ట్రోలర్లకు ఆయుధంగా మారిపోయారు. పార్టీని ఒంటరిగా నడిపించడం కష్టం అని కాంగ్రెస్తో కలుద్దాం.. కాంగ్రెస్ లో కలిపేద్దాం అని ఫిక్స్ అయ్యారు.
వందల సభలు పెట్టినా.. వేల కిలోమీటర్లు నడిచినా.. వైఎస్ఆర్ తెలంగాణ పార్టీ (వైటీపీ)కి అనుకున్నంత పొలిటికల్ మైలేజ్ రావడం లేదు. దీంతో ఎలాగైనా అటెన్షన్ డ్రా చేయాలని వివాదాలు క్రియేట్ చేస్తున్నారేమో షర్మిల అనే స్థాయికి వచ్చాయ్ ఆమె వ్యూహాలు. ఇప్పుడు వైటీపీ గురించి ఓ చర్చ జరుగుతోంది.
