ఊహించినట్టుగానే ఆస్ట్రేలియా సీనియర్ ప్లేయర్ స్టీవ్ స్మిత్ కు మళ్ళీ జట్టు సారథ్య బాధ్యతలు దక్కాయి. శ్రీలంకతో జరగనున్న రెండు టెస్టుల సిరీస్ కోసం స్మిత్ ను కెప్టెన్ గా ఎంపిక చేశారు. రెగ్యులర్ కెప్టెన్ ప్యాట్ కమ్మిన్స్ వ్యక్తిగత కారణాలతో ఈ సిరీస్ కు దూరమయ్యాడు. కాగా 16 మందితో కూడిన జట్టుకు ట్రావిస్ హెడ్ వైస్ కెప్టెన్ గా వ్యవహరించనున్నాడు. ఇక ఆస్ట్రేలియా అండర్19 క్రికెట్ ప్రపంచ కప్ మాజీ కెప్టెన్ కూపర్ కొన్నోలీ తొలిసారి టెస్ట్ జట్టులోకి ఎంపికయ్యాడు. శ్రీలంకలో జరగబోయే ఈ సిరీస్ కు స్పిన్నర్లు కీలకం కానుండడంతో మాట్ కుహ్నెమాన్, టాడ్ మర్ఫీ లను సెలక్టర్లు ఎంపిక చేశారు. ఇటీవలి బోర్డర్-గవాస్కర్ సిరీస్లో మెల్బోర్న్, సిడ్నీ టెస్టులకు దూరమైన యువ ఆటగాడు నాథన్ మెక్స్వీనీకి కూడా చోటు దక్కింది.
