Telangana Million March : తెలంగాణ మిలియన్ మార్చ్ కు 13 ఏళ్లు..

మిలియన్ మార్చ్ ఈ పేరు తెలియని వ్యక్తులు ఉండరు. తొలి దశ తెలంగాణ ఉద్యమం తర్వాత.. ఆ తరహాలో మలిదశ ఉద్యమంలో తెలంగాణలో జరిగిన అత్యంత కీలక ఘట్టం ఈ మిలియన్ మార్చ్. తెలంగాణ ప్రత్యేక రాష్ట్ర సాధన కోసం తెలంగాణ జేఏసీ ఇచ్చిన పిలుపు మేరకు 2011, మార్చి 10న హైదరాబాద్ లోని ట్యాంక్ బండ్ పై మిలియన్ మార్చ్ చేపట్టారు. ఈ ఉద్యమంలో రాష్ట్ర వ్యాప్తంగా అన్ని రాజకీయ పార్టీలు, ప్రజా, ఉద్యోగ, విద్యా సంఘాలతో పాటు కవులు, రచయితలు, కళాకారులు, న్యాయవాదులు స్వచ్ఛందంగా పాల్గొని ప్రత్యేక రాష్ట్ర ఆవశ్యకతను కేంద్రానికి చాటిచెప్పారు. మిలియన్ మార్చ్ చేపట్టి నేటికి సరిగ్గా 13 సంవత్సరాలు అవుతుంది.