మనం రోజు ఉదయం లేచింది మొదలు రాత్రి పడుకునే వరకు వాడే యాప్ ఏది అంటే.. కళ్ళు మూసుకుని చెప్పేస్తాం 'వాట్సాప్' అని. అలాంటి వాట్సాప్ తాజాగా ఒక సరికొత్త ఫీచర్ను అనౌన్స్ చేసింది. అదే 'వాట్సాప్ యూజర్నేమ్ ఫీచర్. అంటే.. ఇకపై ఎవరికైనా మీ ఫోన్ నంబర్ ఇవ్వకుండానే, కేవలం ఇన్స్టాగ్రామ్, టెలిగ్రామ్ లాగా ఒక యూజర్నేమ్ క్రియేట్ చేసుకుని చాట్ చేయొచ్చు. వినడానికి ఇది చాలా బాగుంది కదూ? ప్రైవసీ పెరుగుతుంది అనుకుంటున్నారా? కానీ అసలు ట్విస్ట్ ఇక్కడే ఉంది. ఈ ఫీచర్ అనౌన్స్ చేసిన 48 గంటల్లోనే కేంద్ర ప్రభుత్వం వాట్సాప్కు గట్టి షాక్ ఇచ్చింది. 'ఈ ఫీచర్ను ఇప్పుడే లాంచ్ చేయడానికి వీల్లేదు' అంటూ నోటీసులు జారీ చేసింది. అసలు కేంద్ర ప్రభుత్వం ఎందుకు అంతలా భయపడుతోంది? ఈ యూజర్నేమ్స్ వల్ల సామాన్య ప్రజలకు జరిగే నష్టాలు ఏంటి? సైబర్ నేరగాళ్లకు ఇది ఎలా వరంలా మారబోతోంది?
మొదటి నష్టం.. ఐడెంటిటీ థెఫ్ట్, అంటే మీ పేరుతో వేరే వాళ్ళు అకౌంట్ క్రియేట్ చేయడం. ఇప్పటివరకు వాట్సాప్లో ఎవరికైనా మెసేజ్ చేయాలంటే ఖచ్చితంగా ఫోన్ నంబర్ ఉండాలి. ఫోన్ నంబర్ అనేది ఐడెంటిటీ ప్రూఫ్తో లింక్ అయి ఉంటుంది కాబట్టి, మోసాలు చేయడానికి నేరగాళ్లు కొంచెం భయపడేవాళ్లు. కానీ ఇకపై నంబర్ అవసరం లేదు. కేవలం యూజర్నేమ్ ఉంటే చాలు. ఉదాహరణకు, మీ పేరు లేదా ఏదైనా ఒక పెద్ద కంపెనీ, బ్యాంక్, లేదా పోలీస్ ఆఫీసర్ పేరు మీద చిన్న మార్పులతో సైబర్ నేరగాళ్లు నకిలీ యూజర్నేమ్స్ క్రియేట్ చేస్తారు. అమాయక ప్రజలకు మెసేజ్ చేసి.. 'నేను ఫలానా బ్యాంక్ మేనేజర్ని' అనో లేక 'కలెక్టర్ ఆఫీస్ నుండి మాట్లాడుతున్నా' అనో నమ్మించి సులువుగా మోసం చేసే అవకాశం ఉందంటూ కేంద్ర ప్రభుత్వం హెచ్చరించింది."
రెండవ అతిపెద్ద ప్రమాదం.. డిజిటల్ అరెస్ట్ మరియు ఫిషింగ్ స్కామ్లు. ఈ మధ్య కాలంలో 'మీ పేరు మీద డ్రగ్స్ పార్సిల్ వచ్చింది, మిమ్మల్ని డిజిటల్ అరెస్ట్ చేస్తున్నాం' అంటూ సిబిఐ లేదా ముంబై పోలీస్ అధికారుల పేర్లతో స్కామర్స్ ఎంతలా దోచుకుంటున్నారో మనకు తెలుసు. ఇప్పటివరకు వీళ్లు నంబర్స్ ద్వారా కాంటాక్ట్ అయ్యేవాళ్లు కాబట్టి, సైబర్ క్రైమ్ పోలీసులు ఆ నంబర్ల ఐపీ అడ్రస్ లేదా లొకేషన్ ఆధారంగా పట్టుకునే ఛాన్స్ ఉండేది. కానీ యూజర్నేమ్స్ వచ్చేస్తే.. మోసగాళ్లు ట్రాక్ అవ్వకుండా, వేలాది మందికి ఒకేసారి ఫిషింగ్ లింకులు పంపి, భయపెట్టి అడ్డంగా దోచేసే ప్రమాదం ఉంది. ఫోన్ నంబర్ లేకపోవడం వల్ల ఆ అకౌంట్ వెనుక ఉన్న అసలు క్రిమినల్ ఎవరో కనుక్కోవడం సైబర్ పోలీసులకు కూడా పెద్ద తలనొప్పిగా మారుతుంది.
ఇక మూడో నష్టం.. అపరిచితుల నుండి వేధింపులు పెరగడం. సాధారణంగా మన వాట్సాప్ నంబర్ ఎవరి దగ్గరైనా ఉంటేనే వాళ్లు మనకు మెసేజ్ చేయగలరు. కాబట్టి ప్రైవసీ ఉండేది. కానీ ఈ యూజర్నేమ్ సిస్టమ్లో.. నేరగాళ్లు ఏవైనా రాండమ్ పేర్లను టైప్ చేస్తూ, ఒకవేళ మీ యూజర్నేమ్ మ్యాచ్ అయితే చాలు, వెంటనే మీకు మెసేజ్లు లేదా అశ్లీల ఫొటోలు పంపి వేధించే అవకాశం ఉంటుంది. ముఖ్యంగా మహిళలు, విద్యార్థులకు ఈ ఫీచర్ వల్ల తెలియని వ్యక్తుల నుండి స్పామ్ మెసేజ్లు, వేధింపులు పెరిగే ఛాన్స్ చాలా ఎక్కువగా ఉంది. మన ప్రైవసీని కాపాడుతుంది అనుకున్న ఫీచరే.. మన ప్రశాంతతను దెబ్బతీసేలా మారే ప్రమాదం ఉంది.
అయితే.. వాట్సాప్ సంస్థ మాత్రం మేము సెలబ్రిటీలు, ప్రభుత్వ సంస్థల పేర్లను ఎవరూ దక్కించుకోకుండా ముందే లాక్ చేశామని, కొత్త వ్యక్తుల నుండి మెసేజ్ వస్తే వాళ్ల అకౌంట్ డీటెయిల్స్ చూపిస్తామని డిఫెన్స్ ఇస్తోంది. కానీ మన భారత ప్రభుత్వం మాత్రం సామాన్యుల భద్రతే ముఖ్యం అంటోంది. అందుకే ఈ ఫీచర్ను ప్రస్తుతానికి హోల్డ్లో పెట్టాలని, 3 రోజుల్లో పూర్తి వివరణ ఇవ్వాలని మెటా కంపెనీని ఆదేశించింది. మరి ఫ్రెండ్స్.. వాట్సాప్లో ఈ యూజర్నేమ్ ఫీచర్ రావడం మంచిదేనా? లేక కేంద్ర ప్రభుత్వం చెప్పినట్టు దీనివల్ల మోసాలు పెరుగుతాయా?
