యువ నటుడు కిరణ్ అబ్బవరం ప్రధాన పాత్రలో తెరకెక్కిన తాజా ప్రేమకథా చిత్రం ‘చెన్నై లవ్ స్టోరీ’. శ్రీ గౌరీ ప్రియ కథానాయికగా నటించిన ఈ చిత్రానికి రవి నంబూరి దర్శకత్వం వహించారు. థియేటర్లలో బాక్సాఫీస్ వద్ద ఘన విజయాన్ని సాధించిన ఈ సినిమా, ఇప్పుడు డిజిటల్ ప్రియులను అలరించేందుకు ఓటీటీలోకి అడుగుపెట్టబోతోంది.గత నెల జులై 24న థియేటర్లలో భారీ అంచనాల నడుమ విడుదలైన ‘చెన్నై లవ్ స్టోరీ’, ప్రేక్షకులను విశేషంగా ఆకట్టుకుంది. కిరణ్ అబ్బవరం నటన, శ్రీ గౌరీ ప్రియతో ఉన్న కెమిస్ట్రీ ప్రేక్షకులను బాగా థ్రిల్ చేశాయి. వసూళ్ల పరంగా బాక్సాఫీస్ వద్ద ఈ చిత్రం ఊహించని రేంజ్లో దూసుకుపోయి, 60 కోట్లకు పైగా కలెక్షన్లను కొల్లగొట్టింది.
ఈ భారీ కలెక్షన్లతో ఈ ఏడాది టాలీవుడ్లో అతిపెద్ద బ్లాక్బస్టర్ చిత్రాల జాబితాలో ఒకటిగా నిలిచింది. థియేటర్లలో సాధించిన సక్సెస్ తర్వాత, మూవీ లవర్స్ అందరూ ఈ చిత్రం ఓటీటీ విడుదలకు సంబంధించి ఆసక్తిగా ఎదురుచూస్తున్నారు. దీని గురించి తాజాగా ఈ మూవీ ఓటీటీ విడుదలపై అధికారిక ప్రకటన వెలువడింది.చెన్నై లవ్ స్టోరీ' చిత్ర డిజిటల్ హక్కులను ప్రముఖ ఓటీటీ సంస్థ 'సోనీ లివ్' భారీ ధరకు దక్కించుకుంది. ఆగస్టు 21వ తేదీ నుంచి ఈ చిత్రాన్ని డిజిటల్ ప్లాట్ఫామ్లో అందుబాటులోకి తీసుకురానున్నట్లు సంస్థ అధికారికంగా వెల్లడించింది.
పాన్-ఇండియా రేంజ్లో ప్రేక్షకుల ముందుకు తీసుకురావడానికి తెలుగు, తమిళం, కన్నడ, మలయాళం, మరియు హిందీ భాషల్లో ఒకేసారి స్ట్రీమింగ్ చేయనున్నారు. ఈ ప్రేమకథా చిత్రానికి మెలోడీ బ్రహ్మ మణిశర్మ అద్భుతమైన సంగీతాన్ని అందించారు. ఆయన అందించిన పాటలు మరియు బ్యాక్గ్రౌండ్ స్కోర్ సినిమా విజయానికి ప్రధాన బలంగా నిలిచాయి. ఈ చిత్రాన్ని మాస్ మూవీ మేకర్స్ మరియు అమృత ప్రొడక్షన్స్ బ్యానర్లపై ఎస్కేఎన్, ప్రముఖ దర్శకుడు సాయి రాజేష్ సంయుక్తంగా నిర్మించారు.
