ప్రపంచవ్యాప్తంగా పెట్రోల్, డీజిల్ ధరలు మునుపెన్నడూ లేని విధంగా పెరిగిపోబోతున్నాయా? మనం మూడో ప్రపంచ యుద్ధం ముంగిట ఉన్నామా? అవును, ఈ ఏడాది ఫిబ్రవరి 28న ఇరాన్పై అమెరికా-ఇజ్రాయెల్ జరిపిన భారీ వైమానిక దాడుల తర్వాత మిడిల్ ఈస్ట్ లో మొదలైన మహా యుద్ధం, ఇప్పుడు సరికొత్త టర్న్ తీసుకుంది. ప్రపంచ చమురు రవాణాకు గుండెకాయ లాంటి 'స్ట్రెయిట్ ఆఫ్ హార్ముజ్' ను ఇరాన్ మళ్ళీ మూసివేయడంతో గ్లోబల్ ఎనర్జీ మార్కెట్ కుప్పకూలిపోయే స్థితికి వచ్చింది.
రోజుకు 135 ఓడలు తిరిగే ఈ మార్గంలో ఇప్పుడు కేవలం 6 ఓడలు మాత్రమే తిరుగుతున్నాయి. ఈ క్రమంలోనే, నిన్న రాత్రి మరియు ఈరోజు ఉదయం అంతర్జాతీయ వేదికపై అత్యంత నాటకీయ పరిణామాలు చోటు చేసుకున్నాయి. జర్మనీ రంగంలోకి దిగి రాయబారం నడుపుతుంటే, అటు డొనాల్డ్ ట్రంప్, ఇటు ఇరాన్ సుప్రీం కౌన్సిల్ పరస్పరం మైండ్ గేమ్స్ ఆడుతున్నారు. అసలు ఈరోజు ఉదయం వైట్హౌస్ నుండి ట్రంప్ చేసిన సంచలన ప్రకటన ఏంటి? ఇరాన్ పెట్టిన 6 కఠిన షరతులు ఏంటి? ఈ వీడియోలో అత్యంత తాజా సమాచారాన్ని క్లియర్ గా తెలుసుకుందాం.
తాజా పరిణామాల ప్రకారం, జర్మనీ విదేశాంగ మంత్రి జోహాన్ వాడెఫుల్ మరియు ఇరాన్ విదేశాంగ మంత్రి అబ్బాస్ అరాగ్చీ మధ్య జరిగిన అత్యవసర ఫోన్ కాల్ వివరాలు బయటకు వచ్చాయి. జర్మనీ మంత్రి మాట్లాడుతూ.. ఎలాంటి ముందస్తు షరతులు లేకుండా, అంతర్జాతీయ నౌకల రక్షణ కోసం హార్ముజ్ జలసంధిని వెంటనే తెరిచేయాలని డిమాండ్ చేశారు. అయితే దీనికి ఇరాన్ మంత్రి అరాగ్చీ గట్టి కౌంటర్ ఇచ్చారు. తమ దేశ దక్షిణ పోర్టులపై అమెరికా విధిస్తున్న నౌకాదళ దిగ్బంధనాన్ని, మిలిటరీ చర్యలను వెంటనే ఆపితేనే శాంతి సాధ్యమని స్పష్టం చేశారు.
అంతేకాదు, ఈ జలసంధి మూతపడటం వల్ల ప్రపంచవ్యాప్తంగా వస్తున్న ఆర్థిక నష్టాలకు, పెట్రోల్ ధరల మంటకు అమెరికా, ఇజ్రాయెల్ దేశాలే పూర్తి బాధ్యత వహించాలని అంతర్జాతీయ సమాజం ముందే ఇరాన్ డిక్లేర్ చేసింది. ఇక అసలు ట్విస్ట్ ఏంటంటే, ఈ చర్చల మధ్య ఇరాన్ సుప్రీం నేషనల్ సెక్యూరిటీ కౌన్సిల్ సెక్రటరీ మహ్మద్ బాగెర్ జోల్గాద్ర్.. జలసంధిని తిరిగి తెరవడానికి అమెరికా ముందు 6 అత్యంత కఠినమైన డిమాండ్లను ఉంచారు.
ఇరాన్ పరిహారం డిమాండ్ చేయడమే ఆలస్యం.. ఈరోజు తెల్లవారుజామున అమెరికా అధ్యక్షుడు డొనాల్డ్ ట్రంప్ వైట్హౌస్ నుండి మీడియా ముఖంగా మరియు తన 'ట్రూత్ సోషల్' వేదికగా ఇరాన్పై రివర్స్ అటాక్ స్టార్ట్ చేశారు. ట్రంప్ మాట్లాడుతూ.. "ఇరాన్ మాకు పరిహారం అడగడం చాలా వింతైన ఆలోచన.. ఎందుకంటే గత 50 ఏళ్లుగా ఇరాన్ స్పాన్సర్ చేసిన ఉగ్రవాదం, రోడ్సైడ్ బాంబుల వల్ల చనిపోయిన, గాయపడిన వేలాది మంది అమెరికన్ సైనికులు, పౌరుల కోసం ఇరానే మాకు రివర్స్ లో 50 ఏళ్ల నష్టపరిహారం కట్టాలి" అంటూ సంచలన డిమాండ్ తెరపైకి తెచ్చారు. దీంతో అమెరికా-ఇరాన్ చర్చలు పూర్తిగా నిలిచిపోయాయి మరియు ఉద్రిక్తతలు మరింత తీవ్రరూపం దాల్చాయి.
పరిస్థితి ఎంత దారుణంగా ఉందంటే, ఇటు అమెరికా కొత్తగా ఇరాన్ షాడో బ్యాంకింగ్ వ్యవస్థను ఊపిరాడకుండా చేయడానికి మరిన్ని కఠిన ఆంక్షలు విధించింది. దీనికి కౌంటర్గా ఇరాన్ సుప్రీం లీడర్ మొజ్తబా ఖమేనీ.. తమ దేశ సాయుధ దళాల చీఫ్గా రివల్యూషనరీ గార్డ్స్ జనరల్ 'అలి అబ్దొల్లాహి' ని నియమిస్తూ తమ మిలిటరీ కమాండ్ను మరింత పటిష్టం చేశారు. అంటే ఇరాన్ కూడా యుద్ధానికి పూర్తి స్థాయిలో సిద్ధమైంది. మరోవైపు ఇరాన్ మద్దతు ఉన్న యెమెన్ హౌతీ రెబెల్స్.. సౌదీ అరేబియాకు చెందిన అరామ్కో చమురు శుద్ధి కర్మాగారంపై, రెడ్ సీ పోర్ట్ సిటీ మోఖాపై డ్రోన్లతో విరుచుకుపడ్డారు. ఈ దాడులు గ్లోబల్ ఎనర్జీ సప్లైని మరింత ప్రమాదంలోకి నెట్టాయి.
ఈ హార్ముజ్ జలసంధి సంక్షోభం వల్ల ప్రపంచవ్యాప్తంగా ముడి చమురు సరఫరా నిలిచిపోయి బ్రెంట్ క్రూడ్ ధరలు మండిపోతున్నాయి. దీని ప్రభావం మన భారతదేశంపై చాలా తీవ్రంగా పడుతోంది. మన దేశ రూపాయి విలువ డాలర్తో పోలిస్తే రికార్డు స్థాయిలో 93 రూపాయలకు పడిపోయింది. రిజర్వ్ బ్యాంక్ ఆఫ్ ఇండియా మార్కెట్ను కాపాడటానికి ఇప్పటికే 46 బిలియన్ డాలర్ల విదేశీ మార్పిడి నిధులను ఖర్చు చేయాల్సి వచ్చింది. మరి ఈ అంతర్జాతీయ చమురు సంక్షోభం ఎటు వైపు దారితీస్తుంది? డొనాల్డ్ ట్రంప్ ఈ యుద్ధాన్ని మరింత పెంచుతారా? లేదా దౌత్య చర్చలు ఫలిస్తాయా? అనేది చూడాలి.
