తెలంగాణలో అతి త్వరలో మూడు రాజ్యసభ సీట్లు ఖాళీ అవుతున్నాయి. దేశవ్యాప్తంగా 55 మంది ఎంపీలు రాజ్యసభ నుంచి వచ్చే ఏడాది ఏప్రిల్ లో రిటైర్డ్ అవుతున్నారు. అందులో తెలంగాణకు చెందిన వద్దిరాజు రవిచంద్ర, జోగినపల్లి సంతోష్ కుమార్, బడుగుల లింగయ్య యాదవ్ పదవీకాలం ఏప్రిల్ 2తో ముగుస్తోంది. అసెంబ్లీ ఎన్నికల తర్వాత తెలంగాణ అసెంబ్లీలో బలా బలాలు మారాయి. ఇప్పుడీ 3 సీట్లు ఏ పార్టీకి వస్తాయన్నది చర్చగా మారింది.
