ఏపీలో జరగనున్న అసెంబ్లీ, సార్వత్రిక ఎన్నికల్లో బీజేపీ, జనసేన కలిసే వెళ్తాయని పురంధేశ్వరి తెలిపారు. ఏపీలో జనసేనతో పొత్తులో ఉన్నామని స్పష్టం చేశారు. అయితే టీడీపీతో పొత్తు, ఇతర అంశాలపై బీజేపీ అగ్రనాయకత్వం ఎన్నికలకు ముందు నిర్ణయం తీసుకుంటుందని వెల్లడించారు.
మొన్నటి వరకూ బీజేపీతో కలిసి ఎన్నికలకు వెళ్తామన్న జనసేన పార్టీ.. బాబు అరెస్ట్ తరువాత మాట మార్చింది. వచ్చే ఎన్నికల్లో టీడీపీతో కలిసి పోటీ చేస్తామని ప్రకటించింది. తమతో బీజేపీ కూడా కలిసి వస్తే బాగుంటుందని జనసేన అధినేత పవన్ కళ్యాణ్ చెప్పారు.
చంద్రబాబు, తోడల్లుడు దగ్గుబాటి వెంకటేశ్వరరావు, ఆయన అర్ధాంగి, ఏపీ బీజేపీ అధ్యక్షురాలు పురందేశ్వరి, వైసీపీ ఎంపీ రఘురామరాజు తదితరులు జేపీ నడ్డాతో వేరుగా భేటీ అయ్యారు. ఇక్కడే అసలు సమస్య వచ్చింది. బీజేపీతో టీడీపీలోకి ఎలాగూ పొత్తులు లేవు.
నందమూరి తారకరామారావు శత జయంతి సందర్భంగా ఆయన గౌరవార్థం కేంద్రం ప్రత్యేక నాణేన్ని విడుదల చేయనుంది. ఆర్బీఐ రూపొందించిన ప్రత్యేక రూ.100 నాణాన్ని సోమవారం (ఆగష్టు 28) ఢిల్లీలో విడుదల చేయబోతున్నారు.
జనసేన అధినేత పవన్ కళ్యాణ్ వారాహి యాత్ర పేరుతో ప్రజల్లోకి వెళ్తున్నారు. ఇప్పటికే రెండు దశల యాత్ర పూర్తి చేసుకుని, విశాఖలో మూడో దశ యాత్ర ప్రారంభించారు. యాత్రకు ప్రజల నుంచి అనూహ్య స్పందన వస్తోంది. అయితే, తమ మిత్రపక్షంగా ఉన్న జనసేన ప్రజల్లోకి వెళ్తుంటే బీజేపీ నుంచి ఎలాంటి మద్దతూ కనిపించడం లేదు.
ఆంధ్రప్రదేశ్ బీజేపీలో ఇప్పుడు ఇద్దరు అగ్రనేతల మధ్య పొలిటికల్ ఫైట్ నడుస్తోంది. విశాఖ సీటుపై కన్నేసిన పురంధేశ్వరి, జీవీఎల్ నరసింహారావు ఇద్దరూ ఎత్తులు పైఎత్తులతో వేడి పుట్టిస్తున్నారు. ఇంతకీ విశాఖ సీటు దక్కేదెవరికి..?
తాజాగా ప్రకటించిన జాతీయ కార్యవర్గంలో మార్పులు చేయడం ద్వారా ఏపీ బీజేపీలోనూ మార్పులు జరగబోతున్నాయనే సంకేతాల్ని అధిష్టానం పంపింది. ఏపీకి ఇటీవలే సోము వీర్రాజును తొలగించి, పురందేశ్వరికి అధ్యక్ష బాధ్యతలు అప్పగించిన సంగతి తెలిసిందే.
రాబోయే ఎన్నికల్లో గెలవాలని లక్ష్యంగా నిర్ణయించుకున్నట్లు తెలుస్తోంది. ఏపీ నుంచి అసెంబ్లీకి పోటీ చేసేందుకు పురందేశ్వరి సిద్ధమవుతున్నట్లు సమాచారం. గతంలో ఎంపీగా గెలిచిన పురందేశ్వరి కాంగ్రెస్ ప్రభుత్వంలో కేంద్ర మంత్రిగానూ పని చేశారు.
టీడీపీ ఐదేళ్లలో చేసిన అప్పులకంటే వైసీపీ నాలుగేళ్లలో చేసిన అప్పులే ఎక్కువని పురందేశ్వరి ఆరోపించారు. వైసీపీ ప్రభుత్వం చేస్తున్న అప్పులపై దర్యాప్తు జరిపిస్తామని, ఈ విషయాన్ని కేంద్ర ఆర్థిక శాఖ దృష్టికి తీసుకువెళ్తామని పురందేశ్వరి అన్నారు.
బీజేపీకి వైసీపీ మద్దతు ఉందన్నది బహిరంగ రహస్యం. అయితే ఆ బంధానికి బీటలు వారిన సంకేతాలు కనిపిస్తున్నాయి. బీజేపీ కొత్త అధ్యక్షురాలు పురంధేశ్వరి వ్యాఖ్యలు ఈ వాదనలకు బలం చేకూరుస్తున్నాయి. బాధ్యతలు స్వీకరించిన వెంటనే వైసీపీపై మాటల తూటాలతో చిన్నమ్మ విరుచుకుపడటం చూస్తుంటే ఏదో జరగబోతోందనే అనిపిస్తోంది.
