తెలుగు చిత్ర పరిశ్రమలో తనకంటూ ఒక ప్రత్యేక గుర్తింపు తెచ్చుకున్న యంగ్ అండ్ టాలెంటెడ్ హీరో సందీప్ కిషన్. కథా బలమున్న సినిమాలను ఎంచుకుంటూ, నటుడిగా తనను తాను నిరూపించుకుంటున్న సందీప్, ప్రస్తుతం తన కెరీర్లో అత్యంత ఆసక్తికరమైన దశలో ఉన్నాడు. వరుస పెట్టి క్రేజీ ప్రాజెక్టులను లైన్లో పెడుతూ బాక్సాఫీస్ వద్ద తన సత్తా చాటడానికి సిద్ధమవుతున్నాడు. సందీప్ కిషన్ ప్రస్తుతం చేస్తున్న సినిమాల జాబితా చూస్తుంటే ఆయన వైవిధ్యానికి ఎంత ప్రాముఖ్యత ఇస్తున్నారో అర్థమవుతుంది. మాస్ ఎలిమెంట్స్ మరియు యాక్షన్ కలగలిసిన సిగ్మా చిత్రంపై ప్రేక్షకుల్లో భారీ అంచనాలు ఉన్నాయి. ఇందులో సందీప్ లుక్ సరికొత్తగా ఉండబోతోంది.
నెట్ఫ్లిక్స్ ఒరిజినల్ సిరీస్గా రాబోతున్న సూపర్ సుబ్బు ప్రాజెక్ట్ ఒక విభిన్నమైన కాన్సెప్ట్తో తెరకెక్కుతోంది. "రైట్ సబ్జెక్ట్, రాంగ్ టీచర్" అనే ట్యాగ్లైన్తో వస్తున్న ఈ సినిమా యువతను విశేషంగా ఆకట్టుకోనుంది. పవర్ పేట చిత్రం కూడా సందీప్ కెరీర్లో ఒక మైలురాయిగా నిలుస్తుందని విశ్లేషకులు భావిస్తున్నారు. అయితే ఇప్పుడుసందీప్ కిషన్ 33వ చిత్రంగా వస్తున్న మూవీ ఇండస్ట్రీలో టాక్ ఆఫ్ ది టౌన్గా మారింది. 'శంభల' చిత్ర దర్శకుడితో కలిసి ఆయన చేస్తున్న ఈ ఫాంటసీ అడ్వెంచర్ పోస్టర్ చూస్తుంటేనే ఇదొక విజువల్ వండర్గా ఉండబోతోందని అర్థమవుతోంది.
పోస్టర్లో పులి మరియు తోడేలు ముఖాల మధ్యలో ఉన్న ఖడ్గం, వెనుక ఉన్న పురాతన కట్టడాలు చూస్తుంటే ఇదొక చారిత్రక లేదా పురాణ సంబంధిత ఫాంటసీ కథ అనిపిస్తోంది. ఈ చిత్రం హై-ఎండ్ గ్రాఫిక్స్తో, ప్రేక్షకులకు ఒక సరికొత్త సినిమాటిక్ ఎక్స్పీరియన్స్ను అందించనుంది. ఈ సినిమాను తెలుగుతో పాటు హిందీ, తమిళ భాషల్లో కూడా విడుదల చేయడానికి సన్నద్ధమవుతున్నారు. సందీప్ కిషన్ కేవలం కమర్షియల్ సినిమాలకే పరిమితం కాకుండా, ఫాంటసీ అడ్వెంచర్ మరియు ఓటిటి ప్లాట్ఫామ్స్ మీద కూడా పట్టు సాధిస్తున్నారు. ముఖ్యంగా #SK33 తో ఆయన ఒక భారీ ప్రయోగానికి తెరలేపారు. ఈ చిత్రం కచ్చితంగా ఆయన కెరీర్లో బిగ్గెస్ట్ హిట్లలో ఒకటిగా నిలుస్తుందని అభిమానులు ఆశిస్తున్నారు.
