పాన్ ఇండియా స్టార్ ప్రభాస్ హీరోగా, టాలీవుడ్లో ఎంతో ప్రతిష్టాత్మకంగా తెరకెక్కుతున్న భారీ సినిమా 'స్పిరిట్'. ఈ సినిమాపై ప్రేక్షకుల్లో ఇప్పటికే భారీ అంచనాలు నెలకొని ఉన్నాయి.ఈ చిత్రంలో ప్రభాస్ పై వచ్చే ప్రీ క్లైమాక్స్ సీన్స్ అదిరిపోతాయని సమాచారం. ఈ సినిమాకే కాకుండా ప్రభాస్ సినీ కెరీర్లోనే ఈ సీక్వెన్స్ ఒక పెద్ద హైలైట్గా నిలిచిపోతుందని తెలుస్తోంది. అంతేకాకుండా, ఈ సినిమా ప్రీ క్లైమాక్స్లో వచ్చే ట్విస్ట్ కచ్చితంగా ఆడియన్స్ను థ్రిల్ చేస్తుందని మేకర్స్ బలంగా నమ్ముతున్నారు.
ఈ సినిమాకు సెన్సేషనల్ డైరెక్టర్ సందీప్ రెడ్డి వంగా దర్శకత్వం వహిస్తుండగా, ఇది ఓ పవర్ ఫుల్ కాప్ స్టోరీగా రాబోతోంది. ఈ చిత్రంలో ప్రభాస్ సరసన తృప్తి డిమ్రి హీరోయిన్గా నటిస్తోంది. సినిమా ఫ్లాష్ బ్యాక్లో ప్రభాస్ వైల్డ్ అండ్ మాస్ అవతార్లో కనిపించబోతున్నట్లు తెలుస్తోంది.
ఈ చిత్రాన్ని టి-సిరీస్ మరియు భద్రకాళి పిక్చర్స్ భారీ స్థాయిలో నిర్మిస్తున్నాయి. 'స్పిరిట్' మెయిన్ కథాంశమే చాలా కొత్తగా ఉంటుందని, సందీప్ రెడ్డి వంగా నుంచి మరో వినూత్నమైన సినిమాగా రాబోతోందని అభిమానులు ఆసక్తిగా ఎదురుచూస్తున్నారు. సందీప్ రెడ్డి వంగా గత చిత్రాలైన 'అర్జున్ రెడ్డి', 'యానిమల్' సినిమాలకు అద్భుతమైన నేపథ్య సంగీతం అందించిన హర్షవర్ధన్ రామేశ్వర్ ఈ సినిమాకి కూడా సంగీతం అందిస్తున్నారు.
సందీప్ రెడ్డి వంగా శైలి చాలా ప్రత్యేకంగా ఉంటుంది. ఆయన తన సినిమాల షూటింగ్ ప్రారంభించే ముందే బ్యాక్గ్రౌండ్ స్కోర్ సిద్ధం చేసుకుంటారు. 'స్పిరిట్' సినిమాకి సంబంధించి కూడా షూటింగ్కు ముందే దాదాపు 70 శాతానికి పైగా నేపథ్య సంగీత పనులు పూర్తయినట్లు దర్శకుడు స్వయంగా వెల్లడించారు. దీనివల్ల సన్నివేశాలలోని ఇంటెన్సిటీ మరింత పెరుగుతుందని ఆయన నమ్ముతారు.
ఈ చిత్రంలో మొత్తం 6 పాటలు ఉండే అవకాశం ఉందని సమాచారం. ఇందులో ప్రభాస్ పాత్ర కోసం ఒక పవర్-ప్యాక్డ్ హీరో ఎలివేషన్ థీమ్ సాంగ్, ఒక స్పెషల్ ఫ్లాష్బ్యాక్ సాంగ్తో పాటు, హీరో, హీరోయిన్ మధ్య వచ్చే రెండు రొమాంటిక్ పాటలు ప్రత్యేక ఆకర్షణగా నిలవనున్నాయి. ఈ చిత్రంలో నేపథ్య సంగీతానికి చాలా ప్రాధాన్యత ఉండటంతో, సినిమాకి మ్యూజిక్ అతిపెద్ద అసెట్గా నిలుస్తుందని అభిమానులు ఆశిస్తున్నారు.
