పవర్ స్టార్ పవన్ కళ్యాణ్ మరియు మాస్ డైరెక్టర్ హరీష్ శంకర్ కాంబినేషన్లో వచ్చిన క్రేజీ ప్రాజెక్ట్ 'ఉస్తాద్ భగత్ సింగ్'. గబ్బర్ సింగ్' వంటి ఇండస్ట్రీ హిట్ తర్వాత వీరిద్దరి కలయికలో సినిమా వస్తుండటంతో అంచనాలు ఆకాశాన్ని తాకాయి. అందుకు తగ్గట్టుగానే సినిమా కూడా ఘనవిజయం సాధించింది. తాజాగా ఈ సినిమా బడ్జెట్, ప్రీ-రిలీజ్ బిజినెస్ మరియు ఓటీటీ పర్ఫార్మెన్స్కు సంబంధించిన ఆసక్తికరమైన గణాంకాలు సోషల్ మీడియాలో వైరల్ అవుతున్నాయి. ట్రేడ్ వర్గాల సమాచారం ప్రకారం, 'ఉస్తాద్ భగత్ సింగ్' సినిమాను అత్యంత ప్రతిష్టాత్మకంగా నిర్మించారు.
నటీనటుల పారితోషికాలు, మేకింగ్ కాస్ట్, మరియు ప్రమోషన్స్ అన్నీ కలుపుకుని ఈ సినిమా బడ్జెట్ దాదాపు 150 కోట్ల రూపాయలు అని తెలుస్తోంది. పవన్ కళ్యాణ్ క్రేజ్కు తగ్గట్టుగా నిర్మాణ విలువల్లో ఎక్కడా రాజీ పడకుండా మైత్రీ మూవీ మేకర్స్ ఈ చిత్రాన్ని రూపొందించింది. ఈ సినిమాపై ఉన్న విపరీతమైన హైప్ కారణంగా ప్రీ-రిలీజ్ బిజినెస్ భారీ స్థాయిలో జరిగింది. తెలుగు రాష్ట్రాలతో పాటు ఓవర్సీస్లో కూడా ఉస్తాద్ రికార్డు ధరలకు అమ్ముడుపోయింది. మొత్తంగా ప్రపంచవ్యాప్తంగా ఈ సినిమా థియేట్రికల్ రైట్స్ 137 కోట్ల రూపాయల మేర అమ్ముడైనట్లు తెలుస్తోంది.
మరోవైపు, ఈ సినిమాకు సంబంధించిన ఓటీటీ అప్డేట్స్ నెట్టింట హల్చల్ చేస్తున్నాయి.
థియేట్రికల్ రన్ తర్వాత ప్రముఖ ఓటీటీ సంస్థ నెట్ఫ్లిక్స్లో ఈ సినిమా స్ట్రీమింగ్ అవుతుంది. ప్రస్తుత ట్రెండ్స్ చూస్తుంటే పవన్ కళ్యాణ్ సినిమాలకు డిజిటల్ ప్లాట్ఫారమ్స్ పై ఉన్న డిమాండ్ స్పష్టంగా కనిపిస్తోంది. నెట్ఫ్లిక్స్లో 14 దేశాల్లో టాప్ 10 లిస్టులో ఉండటమే కాకుండా, ఇండియాలో టాప్ 3లో కొనసాగుతోంది. గ్లోబల్ వైడ్ గా నాన్-ఇంగ్లీష్ మూవీ కేటగిరీలో టాప్ 3లో నిలవడం పవన్ కళ్యాణ్ గ్లోబల్ స్టామినాకు నిదర్శనం.పవన్ కళ్యాణ్ ఎనర్జీ, హరీష్ శంకర్ మార్క్ డైలాగ్స్ తో సందడిచేసిన 'ఉస్తాద్ భగత్ సింగ్' బాక్సాఫీస్ వద్ద తిరగరాసిన రికార్డులను ఓటీటీలో కూడా కంటిన్యూ చేస్తోంది.
