పాన్ ఇండియా స్టార్ ప్రభాస్ కథానాయకుడిగా, దర్శకుడు నాగ్ అశ్విన్ వైవిధ్యభరితమైన కాన్సెప్ట్తో తెరకెక్కించిన దృశ్యకావ్యం “కల్కి 2898 ఏడీ”. బాక్సాఫీస్ వద్ద ఈ సినిమా సృష్టించిన ప్రభంజనం, సాధించిన బ్లాక్బస్టర్ హిట్ గురించి ప్రత్యేకంగా చెప్పక్కర్లేదు. పురాణాలను, భవిష్యత్తును ముడిపెడుతూ వైజయంతీ మూవీస్ బ్యానర్పై భారీ నిర్మాణ విలువలతో వచ్చిన ఈ సినిమా ప్రేక్షకులను ఒక సరికొత్త లోకంలోకి తీసుకెళ్లింది. అయితే, ఈ సినిమా ముగింపులోనే దీనికి కొనసాగింపుగా ‘కల్కి 2’ రాబోతుందనే స్పష్టత ఇచ్చారు మేకర్స్. అప్పటినుంచి ఈ సీక్వెల్పై సినీ వర్గాల్లోనూ, ప్రేక్షకుల్లోనూ రోజురోజుకూ అంచనాలు ఆకాశాన్ని తాకుతున్నాయి.
తాజాగా ఈ సినిమాకు సంబంధించి సోషల్ మీడియాలో ఒక క్రేజీ అప్డేట్ తెగ చక్కర్లు కొడుతోంది. ఈ సీక్వెల్లో ఒక పవర్ఫుల్ పౌరాణిక పాత్ర ఎంట్రీ ఇవ్వబోతుందని, అందుకోసం ఒక స్టార్ వారసుడిని రంగంలోకి దించుతున్నారని ఇండస్ట్రీ వర్గాల్లో గట్టిగా వినిపిస్తోంది. సమాచారం ప్రకారం, ‘కల్కి 2’ లో మహాభారతంలోని ఒక కీలకమైన పాత్రను పరిచయం చేయబోతున్నారట. ఆ పాత్ర మరెవరో కాదు.. కర్ణుడి కుమారుడైన ‘వృషసేనుడు’. మొదటి భాగంలో ప్రభాస్ పోషించిన భైరవ పాత్ర.. అసలు సిసలైన ‘కర్ణుడి’ పునర్జన్మ అనే విషయం క్లైమాక్స్ లో రివీల్ అయి ప్రేక్షకులకు గూస్బంప్స్ తెప్పించింది. ఇప్పుడు దానికి కొనసాగింపుగా రాబోయే సీక్వెల్లో కర్ణుడి కుమారుడు వృషసేనుడి పాత్రను కూడా తీసుకురాబోతున్నారని తెలుస్తోంది.
మహాభారత యుద్ధంలో వృషసేనుడు అత్యంత పరాక్రమవంతుడైన విలుకాడు. తండ్రి కర్ణుడి తరఫున కౌరవుల పక్షాన నిలిచి పాండవ సైన్యాన్ని గడగడలాడించిన వీరుడు. ఇప్పుడు ఈ పవర్ఫుల్ పాత్రను కల్కి సీక్వెల్లో చూపించబోతున్నారనే వార్త సినిమాపై మరింత క్యూరియాసిటీని పెంచుతోంది. వృషసేనుడి పాత్ర అంత పవర్ఫుల్గా ఉండబోతుండటంతో, దీనికోసం అంతే క్రేజ్ ఉన్న నటుడిని ఎంపిక చేయాలని చిత్రబృందం భావిస్తోందట. ప్రస్తుతం వినిపిస్తున్న రూమర్స్ ప్రకారం.. ఈ పాత్రలో ఒక బాలీవుడ్ స్టార్ హీరో కుమారుడు నటించబోతున్నట్లు టాక్. ఉత్తరాది మార్కెట్ను కూడా దృష్టిలో ఉంచుకుని, ఈ పాత్రకు ఒక స్టార్ కిడ్ని ఎంపిక చేస్తే బాగుంటుందని మేకర్స్ ప్లాన్ చేస్తున్నారట. అతను ఎవరనేది ప్రస్తుతానికి సస్పెన్స్ అయినప్పటికీ, ఈ క్యాస్టింగ్ గనుక నిజమైతే మాత్రం సినిమా రేంజ్ మరో లెవెల్కు వెళ్లడం ఖాయం.
వృషసేనుడి పాత్రతో పాటు సినిమాలో మరికొన్ని ఆసక్తికరమైన అతిథి పాత్రలు కూడా ఉండబోతున్నాయట. మొత్తానికి ఈ సీక్వెల్లో మైండ్ బ్లోయింగ్ క్యాస్టింగ్ కనిపించబోతుందని స్పష్టమవుతోంది.ఈ సినిమాకు సంబంధించిన మరో ఆసక్తికరమైన విషయం ఏమిటంటే.. లాస్ట్ షెడ్యూల్లో లెజెండరీ యాక్టర్స్ అమితాబ్ బచ్చన్ మరియు కమల్ హాసన్ లపై కీలకమైన సన్నివేశాలను ఇప్పటికే షూట్ చేశారు. మొదటి భాగంలో సుప్రీం యాస్కిన్గా కమల్ హాసన్ కేవలం కొన్ని నిమిషాలు మాత్రమే కనిపించి మెప్పించారు. కానీ, ఈ సీక్వెల్లో లోకనాయకుడు కమల్ హాసన్ పూర్తి స్థాయి ప్రధాన ప్రతి నాయకుడిగా విశ్వరూపం చూపించనున్నారట. అమితాబ్, కమల్ హాసన్ మధ్య వచ్చే సీన్లు థియేటర్లలో ప్రేక్షకులకు కనువిందు చేయనున్నాయని సమాచారం.
సాధారణంగా ఈ చిత్రాన్ని ‘కల్కి 2’ అని పిలుస్తున్నప్పటికీ, దీనికి ఒక పవర్ఫుల్ టైటిల్ను పరిశీలిస్తున్నట్లు ఇండస్ట్రీ వర్గాల్లో టాక్ నడుస్తోంది. ఈ సీక్వెల్కు ‘కర్ణ 3102 బీసీ’ అనే టైటిల్ను ఖరారు చేయబోతున్నట్లు గట్టిగా వినిపిస్తోంది. మొదటి భాగంలో భైరవగా ఉన్న ప్రభాస్.. ఈ భాగంలో తన కర్ణుడి రూపాన్ని, శక్తులను పూర్తిగా తెలుసుకునే విధంగా కథ సాగుతుందని సమాచారం.ఈ సీక్వెల్లో మొదటి భాగం కంటే కూడా పురాణాల లెంత్ ఎక్కువగా ఉండబోతుందట. అంటే మహాభారత కాలానికి సంబంధించిన సన్నివేశాలు, కర్ణుడి గతాన్ని మరింత లోతుగా, విజువల్ వండర్గా చూపించబోతున్నారని తెలుస్తోంది. మొదటి భాగంతోనే సరికొత్త రికార్డులను తిరగరాసిన నాగ్ అశ్విన్-ప్రభాస్ కాంబినేషన్, ఇప్పుడు ఈ సీక్వెల్తో అంతకు మించిన సంచలనాన్ని సృష్టించడానికి సిద్ధమవుతోంది. కర్ణుడి కుమారుడి పాత్ర, బాలీవుడ్ స్టార్ ఎంట్రీ, కమల్ హాసన్ విలనిజం, పురాణాల బ్యాక్డ్రాప్.. ఇవన్నీ వింటుంటేనే సినిమాపై అంచనాలు రెట్టింపు అవుతున్నాయి. వైజయంతీ మూవీస్ ఎక్కడా రాజీ పడకుండా భారీ నిర్మాణ విలువలతో ఈ చిత్రాన్ని తెరకెక్కిస్తోంది. ఈ క్రేజీ ప్రాజెక్ట్కి సంబంధించిన మరిన్ని అధికారిక వివరాలు త్వరలోనే వెలువడే అవకాశం ఉంది.
