దసరా బరిలో మెగాస్టార్ ‘విశ్వంభర’.!

తెలుగు చిత్రసీమలో ఈ ఏడాది దసరా పండగ వాతావరణం అప్పుడే మొదలైపోయింది. సాధారణంగా పండగొచ్చింది అంటే బాక్సాఫీస్ దగ్గర పెద్ద హీరోల సినిమాలు క్యూ కట్టడం మనం చూస్తూనే ఉంటాం.

తెలుగు చిత్రసీమలో ఈ ఏడాది దసరా పండగ వాతావరణం అప్పుడే మొదలైపోయింది. సాధారణంగా పండగొచ్చింది అంటే బాక్సాఫీస్ దగ్గర పెద్ద హీరోల సినిమాలు క్యూ కట్టడం మనం చూస్తూనే ఉంటాం. కానీ ఈసారి రాబోయే దసరా పోటీ మాత్రం మామూలుగా ఉండేలా లేదు! ఒకవైపు మన ‘మెగాస్టార్ చిరంజీవి’, మరోవైపు ఇండియన్ సూపర్ స్టార్ ‘రజినీకాంత్’.. ఇద్దరూ ఒకేసారి బాక్సాఫీస్ బరిలోకి దిగబోతున్నారు.
ఆగష్టు 22న మన మెగాస్టార్ చిరంజీవి పుట్టినరోజు! ప్రతీ ఏటా ఈ రోజున అభిమానులు పండగ చేసుకుంటారు. అయితే ఈసారి కేవలం కేకులు కట్ చేయడమే కాకుండా, తమ అభిమాన హీరో నటిస్తున్న ‘విశ్వంభర’ సినిమా నుంచి సాలిడ్ అప్‌డేట్ కోరుకుంటున్నారు.

‘బింబిసార’ సినిమాతో బాక్సాఫీస్‌ను షేక్ చేసిన యంగ్ డైరెక్టర్ వసిష్ఠ, ఈ చిత్రాన్ని ఒక భారీ సోషియో ఫాంటసీ వండర్‌గా తెరకెక్కిస్తున్న సంగతి తెలిసిందే. ఈ సినిమా విజువల్ ఎఫెక్ట్స్ పనుల వల్ల కాస్త ఆలస్యమైంది. "నాణ్యత విషయంలో కాంప్రమైజ్ కాకూడదు" అని మేకర్స్ టైమ్ తీసుకున్నారు. ప్రస్తుతం ఈ సినిమా పోస్ట్ ప్రొడక్షన్ పనులు చివరి దశకు వచ్చేశాయి! దాంతో ఈ చిత్రాన్ని దసరా కానుకగా అక్టోబర్ 16న థియేటర్లలోకి తీసుకురావడానికి ప్లాన్ చేస్తున్నారు. అందులో భాగంగానే దీనికి సంబంధించిన అఫీషియల్ అనౌన్స్‌మెంట్ చిరు బర్త్‌డే రోజే ఆగష్టు 22న రాబోతోంది.'విశ్వంభర' అక్టోబర్ 16న విడుదలకు సిద్ధమవుతుండగా, రజినీకాంత్ నటిస్తున్న ‘జైలర్ 2’ చిత్రం దసరా సందర్భంగా అక్టోబర్ 15న విడుదల చేయడానికి సన్నాహాలు చేస్తున్నారు.

అంటే, సరిగ్గా ఒక్క రోజు తేడాతో రెండు దిగ్గజ సినిమాలు థియేటర్లలోకి రాబోతున్నాయి!ఇండియన్ సినిమా హిస్టరీలోనే ఇద్దరు బిగ్గెస్ట్ సూపర్ స్టార్స్ ఇలా ఒకే వారంలో, పండగ బరిలో ముఖాముఖి తలపడటం అభిమానులకు కళ్లారా చూడటానికే ఒక పండగలా ఉండబోతోంది. యూవీ క్రియేషన్స్ సంస్థ విశ్వంభరచిత్రాన్ని ఏమాత్రం కాంప్రమైజ్ కాకుండా భారీ బడ్జెట్‌తో నిర్మిస్తోంది.స్టాలిన్' చిత్రం తర్వాత మెగాస్టార్ చిరంజీవి సరసన త్రిష మళ్లీ కథానాయికగా కనిపిస్తోంది. వీరిద్దరి కెమిస్ట్రీ సినిమాకి పెద్ద ప్లస్ కానుంది. ఆస్కార్ విజేత ఎం.ఎం. కీరవాణి ఈ చిత్రానికి స్వరాలు అందిస్తున్నారు. బాక్సాఫీస్ చరిత్రలోనే ఇలాంటి బిగ్గెస్ట్ క్లాష్ రావడం చాలా అరుదు! ఒకవైపు 'బింబిసార' ఫేమ్ వసిష్ఠ మార్క్ ఫాంటసీ వరల్డ్, కీరవాణి సంగీతంతో రాబోతున్న చిరంజీవి 'విశ్వంభర'.. మరోవైపు నెల్సన్ దిలీప్‌కుమార్ డైరెక్షన్‌లో భారీ అంచనాలతో వస్తున్న రజినీకాంత్ 'జైలర్ 2'. దసరా సెలవుల్లో రెండు సినిమాలకీ కలెక్షన్ల వర్షం కురవడం పక్కా! మరి ఈ క్లాష్‌లో విజువల్ మ్యాజిక్ గెలుస్తుందా, లేక మాస్ మేనియా గెలుస్తుందా? అనేది వేచి చూడాలి.