టాలీవుడ్ ఇండస్ట్రీలో కొన్ని సినిమాలు కేవలం బాక్సాఫీస్ రికార్డులను తిరగరాయడమే కాకుండా, ఇండస్ట్రీ ట్రెండ్ను, కథల ఎంపిక విధానాన్ని పూర్తిగా మార్చేస్తుంటాయి. అలాంటి ఒక ల్యాండ్మార్క్ చిత్రం మెగాపవర్ స్టార్ రామ్ చరణ్ నటించిన 'రంగస్థలం'.దర్శకుడు సుకుమార్ తెరకెక్కించిన ఈ పీరియాడిక్ విలేజ్ యాక్షన్ డ్రామా టాలీవుడ్లో ఒక కొత్త ఒరవడికి శ్రీకారం చుట్టింది. మాస్ ఇమేజ్ ఉన్న ఒక స్టార్ హీరో, వినికిడి లోపం ఉన్న ఒక సాధారణ పల్లెటూరి యువకుడి పాత్రను ఎంచుకోవడం ఆ సమయంలో ఒక పెద్ద సాహసమనే చెప్పాలి. కానీ, రామ్ చరణ్ ఆ ఛాలెంజింగ్ క్యారెక్టర్ను ఒప్పుకోవడమే కాకుండా, తన అత్యుత్తమ నటనతో ‘చిట్టిబాబు’ పాత్రకు ప్రాణప్రతిష్ఠ చేశారు. ఈ సినిమా తెచ్చిన మార్పు కేవలం కథలకే పరిమితం కాలేదు, టాలీవుడ్లో ఇతర స్టార్ హీరోల ఆలోచనా విధానాన్ని కూడా మార్చేసింది.
ఇటీవల ‘ఇరుముడి’ చిత్ర దర్శకుడు శివ నిర్వాణ, రామ్ చరణ్ తీసుకున్న ఈ నిర్ణయంపై ప్రశంసల వర్షం కురిపించారు. 'రంగస్థలం' సినిమా తర్వాత టాలీవుడ్ హీరోల కథల ఎంపికలో గణనీయమైన మార్పు వచ్చిందని ఆయన అభిప్రాయపడ్డారు. రామ్ చరణ్ అంత పెద్ద స్టార్ అయి ఉండి కూడా అంత సున్నితమైన, ఇంటెన్స్ క్యారెక్టర్ను చేసి చూపించడం వల్ల, తర్వాతి కాలంలో ఇతర స్టార్ హీరోలు కూడా భిన్నమైన, ప్రయోగాత్మక పాత్రలు చేయడానికి ఒక సులభమైన మార్గం ఏర్పడిందని శివ నిర్వాణ తెలిపారు. చరణ్ వేసిన ఆ అడుగు పరిశ్రమలోని ఇతర దర్శకులకు, హీరోలకు కొత్త కథలు ప్రయత్నించడానికి ధైర్యాన్ని ఇచ్చిందని ఆయన అన్నారు.
మాస్ మహారాజా రవితేజతో దర్శకుడు శివ నిర్వాణ తెరకెక్కిస్తున్న చిత్రం ‘ఇరుముడి’. ఈ సినిమా కూడా ‘రంగస్థలం’ తరహాలోనే చాలా ఇంటెన్స్, సున్నితమైన ఎమోషన్స్ ఉన్న సబ్జెక్ట్ అని ప్రచారం జరుగుతోంది. ఎప్పుడూ ఎనర్జిటిక్ మాస్ రోల్స్తో అలరించే రవితేజ, ఈ సినిమాలో ఒక వైవిధ్యమైన, బలమైన భావోద్వేగాలు ఉన్న పాత్రలో కనిపించబోతున్నారని టాక్.సున్నితమైన భావోద్వేగాలు, బలమైన డ్రామా ప్రాధాన్యంగా ఈ సినిమా కథ సాగుతుందని చిత్ర బృందం చెబుతోంది.రంగస్థలం సినిమా రామ్ చరణ్ కెరీర్ను ఎలాగైతే ఒక కొత్త మలుపు తిప్పిందో, అదే రీతిలో ‘ఇరుముడి’ సినిమా కూడా మాస్ మహారాజా రవితేజ కెరీర్లో ఒక స్పెషల్ ఫిలింగా నిలిచిపోతుందని అభిమానులు భావిస్తున్నారు. రామ్ చరణ్ 'రంగస్థలం'తో ఏర్పరిచిన ఆ బెంచ్మార్క్ను, చూపించిన ఆ మార్గాన్ని అనుసరిస్తూ వస్తున్న 'ఇరుముడి' సినిమా ప్రేక్షకుల అంచనాలను ఎంతవరకు అందుకుంటుందో చూడాలి.
