తెలుగు చిత్రసీమలో మెగాస్టార్ చిరంజీవి క్రేజ్ గురించి ప్రత్యేకంగా చెప్పాల్సిన అవసరం లేదు. దశాబ్దాలుగా తన నటనా చాతుర్యంతో, డ్యాన్సులతో, డైలాగ్ డెలివరీతో కోట్ల మంది అభిమానుల హృదయాల్లో చెరగని ముద్ర వేశారు. చిరంజీవి నటిస్తున్న ప్రతీ చిత్రం టాలీవుడ్లో ఒక సంచలనంగా మారుతుంది. ప్రస్తుతం ఆయన కెరీర్లో 158వ చిత్రంగా రాబోతున్న ప్రాజెక్ట్ సినీ వర్గాల్లోనూ, ప్రేక్షక లోకంలోనూ విపరీతమైన ఆసక్తిని రేకెత్తిస్తోంది. ఈ చిత్రానికి మాస్ పల్స్ బాగా తెలిసిన దర్శకుడు బాబీ కొల్లి దర్శకత్వం వహిస్తున్నారు. గతంలో వీరుద్దరి కాంబినేషన్లో వచ్చిన ‘వాల్తేరు వీరయ్య’ చిత్రం ఎంతటి సంచలన విజయాన్ని సాధించిందో, బాక్సాఫీస్ వద్ద ఏ స్థాయిలో కలెక్షన్ల వర్షం కురిపించిందో అందరికీ తెలిసిందే. మళ్లీ అదే కాంబో రిపీట్ అవుతుండటంతో మెగా అభిమానుల్లో అంచనాలు ఆకాశాన్ని తాకుతున్నాయి. తాజాగా ఈ సినిమా షూటింగ్ మరియు కథాంశానికి సంబంధించిన ఒక క్రేజీ అప్డేట్ నెట్టింట బాగా వైరల్ అవుతోంది.
ప్రస్తుతం ఈ సినిమా నిర్మాణం శరవేగంగా జరుగుతోంది. హైదరాబాద్ పరిసర ప్రాంతాలలో ప్లాన్ చేసిన ఒక భారీ యాక్షన్ షెడ్యూల్లో చిత్రబృందం బిజీగా ఉంది. సినిమాలోనే అత్యంత కీలకంగా నిలిచే మాస్ యాక్షన్ ఎపిసోడ్లను ప్రస్తుతం చిత్రీకరిస్తున్నారు.టాలీవుడ్లో అత్యంత నమ్మకమైన, టాప్ యాక్షన్ కొరియోగ్రాఫర్లుగా పేరుపొందిన రామ్-లక్ష్మణ్ మాస్టర్ల పర్యవేక్షణలో ఈ యాక్షన్ సీన్లు రూపుదిద్దుకుంటున్నాయి. వందలాది మంది ఫైటర్లతో, భారీ స్థాయిలో హై-వోల్టేజ్ యాక్షన్ సీక్వెన్సులను డిజైన్ చేశారు. చిరంజీవి మార్క్ మ్యానరిజమ్స్, యాక్షన్ టైమింగ్ సరికొత్తగా ఉండేలా రామ్-లక్ష్మణ్ మాస్టర్లు ఈ సీక్వెన్సులను ప్లాన్ చేశారని తెలుస్తోంది. థియేటర్లలో ప్రేక్షకులకు పక్కా మాస్ విందు అందించడం ఖాయంగా కనిపిస్తోంది. ఈ యాక్షన్ షెడ్యూల్ పూర్తయిన వెంటనే, చిత్రబృందం ఏమాత్రం గ్యాప్ తీసుకోకుండా మరో ముఖ్యమైన షెడ్యూల్ను ప్రారంభించబోతోంది.
వచ్చే వారం నుంచి ఈ సినిమాలో అత్యంత ప్రత్యేకంగా నిలిచే ఒక 'స్పెషల్ సాంగ్' చిత్రీకరణను ప్రారంభించనున్నారు. ఈ పాటలో మెగాస్టార్ చిరంజీవి అత్యంత వింటేజ్, స్టైలిష్ లుక్లో కనిపిస్తారట. అభిమానులు ఆయన నుంచి ఎలాంటి స్టైలిష్ అవతారాన్ని ఆశిస్తారో, సరిగ్గా అలాంటి లుక్లోనే చిరు స్టెప్స్ వేయబోతున్నారట.దర్శకుడు బాబీ కేవలం మాస్ ఎలిమెంట్స్కే పరిమితం కాకుండా, ఒక పక్కా కమర్షియల్ ఫ్యామిలీ ఎంటర్టైనర్గా ఈ కథను తీర్చిదిద్దారు. చిరంజీవి గారిలోని నటుడిని కొత్త కోణంలో ఆవిష్కరించేలా ఈ స్క్రిప్ట్ డిజైన్ చేశారు. సాధారణంగా మాస్ చిత్రాలలో ఎమోషన్ డెప్త్ తక్కువగా ఉంటుందనే భావన ఉంటుంది. కానీ ఈ సినిమాలో యాక్షన్తో పాటు హృదయానికి హత్తుకునే ఫ్యామిలీ ఎమోషన్స్ ప్రధాన బలంగా నిలవనున్నాయి. మెగాస్టార్ చిరంజీవికి ఉన్న మాస్ ఫాలోయింగ్, డైరెక్టర్ బాబీకి ఉన్న మేకింగ్ విజన్, కేవీఎన్ ప్రొడక్షన్స్ ఇస్తున్న గ్రాండ్ ప్రొడక్షన్ వేల్యూస్.. ఇవన్నీ చూస్తుంటే Mega158 బాక్సాఫీస్ దగ్గర మరోసారి రికార్డుల సునామీ సృష్టించడం ఖాయంగా కనిపిస్తోంది. రాబోయే రోజుల్లో ఈ సినిమా నుంచి రాబోయే అధికారిక టీజర్, ఫస్ట్ లుక్ మరియు సాంగ్స్ అప్డేట్స్ కోసం మెగా అభిమానులు వేయికళ్లతో ఎదురుచూస్తున్నారు.
