టాలీవుడ్ నేచురల్ స్టార్ నాని, ప్రస్తుతం తన కెరీర్లో అత్యుత్తమ దశలో ఉన్నారు. వైవిధ్యమైన కథలను ఎంచుకుంటూ బాక్సాఫీస్ వద్ద తనదైన ముద్ర వేస్తున్నారు. మరోవైపు, 'సాహో' ఓజీ సినిమాలతో తన విజువల్ గ్రాండియర్ను ప్రపంచానికి చాటిచెప్పిన యంగ్ అండ్ డైనమిక్ డైరెక్టర్ సుజీత్. వీరిద్దరి కాంబినేషన్లో ఒక సినిమా వస్తుందనే వార్త గత కొద్ది రోజులుగా సోషల్ మీడియాలో సెన్సేషన్ క్రియేట్ చేస్తోంది. ఈ ప్రాజెక్ట్కు 'బ్లడీ రోమియో' అనే ఆసక్తికరమైన టైటిల్ను ఇటీవలే అనౌన్స్ చేశారు. నాని గత చిత్రాలు 'దసరా', 'హాయ్ నాన్న', 'సరిపోదా శనివారం', హిట్3 వంటి సినిమాలు ఆయన ఇమేజ్ను మరింత పెంచాయి. అయితే, సుజీత్ దర్శకత్వంలో రాబోయే ఈ చిత్రం నాని కెరీర్లోనే అత్యంత భారీ బడ్జెట్తో రూపొందనున్నట్లు తెలుస్తోంది.
ఇది కేవలం ఒక లోకల్ యాక్షన్ డ్రామా మాత్రమే కాదు, అంతర్జాతీయ స్థాయిలో విజువల్స్ ఉండబోతున్నాయట. పక్కా కమర్షియల్ ఎలిమెంట్స్తో కూడిన యాక్షన్ ఎంటర్టైనర్గా ఈ చిత్రాన్ని సుజీత్ ప్లాన్ చేస్తున్నారు.ఈ సినిమాకు సంబంధించి వినిపిస్తున్న మరో క్రేజీ అప్డేట్ ఏమిటంటే.. చిత్రంలోని మెజారిటీ భాగం లండన్లో చిత్రీకరించనున్నారట. లండన్ బ్యాక్డ్రాప్లో సాగే హై-వోల్టేజ్ యాక్షన్ సీక్వెన్స్ ఈ సినిమాకు ప్రధాన ఆకర్షణగా నిలవనున్నాయి. సుజీత్ తన సినిమాల్లో స్టైలిష్ టేకింగ్కు పేరుగాంచారు. 'బ్లడీ రోమియో'లో నానిని ముందెన్నడూ చూడని విధంగా చాలా స్టైలిష్గా మరియు రఫ్ లుక్లో ప్రెజెంట్ చేయబోతున్నారని సమాచారం.
సినిమా అంటే కేవలం విజువల్స్ మాత్రమే కాదు, దానికి ప్రాణం పోసేది సంగీతం. ఈ సినిమా కోసం సుజీత్ బాలీవుడ్ ప్రముఖ సంగీత దర్శకుడు **శాశ్వత్ సచ్దేవ్ తో చర్చలు జరుపుతున్నట్లు టాక్. శాశ్వత్ 'ఉరి: ది సర్జికల్ స్ట్రైక్', రీసెంట్ గా ధురంధర్ వంటి సినిమాలతో తన ప్రతిభను నిరూపించుకున్నారు. ఆయన అందించే బ్యాక్గ్రౌండ్ స్కోర్ మరియు పాటలు ఈ యాక్షన్ డ్రామాకు అదనపు బలాన్ని ఇస్తాయని మేకర్స్ భావిస్తున్నారు. నాని సినిమాల్లో సాధారణంగా మెలోడీస్ బాగుంటాయి, కానీ శాశ్వత్ రాకతో ఒక కొత్త తరహా సౌండ్ వినే అవకాశం ఉంది. బ్లడీ రోమియో' అనే పేరులోనే ఒక వైవిధ్యం ఉంది.
రోమియో అంటే ప్రేమ కథ అనుకుంటే, దానికి 'బ్లడీ' అనే పదం జోడించడం ద్వారా ఇది ఒక తీవ్రమైన రివెంజ్ డ్రామా లేదా గ్యాంగ్స్టర్ లవ్ స్టోరీ కావచ్చని సినీ విశ్లేషకులు భావిస్తున్నారు. సుజీత్ గతంలో 'రన్ రాజా రన్' లో ఎంటర్టైన్మెంట్, 'సాహో' లో యాక్షన్ని ఎలా బ్యాలెన్స్ చేశారో, ఈ సినిమాలో కూడా అదే మ్యాజిక్ రిపీట్ చేస్తారని ఫ్యాన్స్ ఆశిస్తున్నారు. ఈ ప్రాజెక్ట్కు సంబంధించిన మరిన్ని వివరాలు, హీరోయిన్ మరియు ఇతర నటీనటుల గురించి మేకర్స్ త్వరలోనే అధికారికంగా వెల్లడించనున్నారు. నాని నేచురల్ యాక్టింగ్, సుజీత్ స్టైలిష్ మేకింగ్, లండన్ లోకేషన్స్ మరియు శాశ్వత్ సచ్దేవ్ సంగీతం.. ఇవన్నీ వింటుంటే 'బ్లడీ రోమియో' బాక్సాఫీస్ వద్ద ప్రకంపనలు సృష్టించడం ఖాయమనిపిస్తోంది. నేచురల్ స్టార్ అభిమానులకి ఇది ఖచ్చితంగా ఒక భారీ ట్రీట్ కానుంది.
