ఈ మధ్య కాలంలో మన తెలుగు సినిమా ఇండస్ట్రీ కేవలం కమర్షియల్ సినిమాలే కాకుండా, మన మూలాల్ని వెతికే కథల వైపు అడుగులు వేస్తోంది. తాజాగా ఒక చిన్న సినిమా గ్లింప్స్ సోషల్ మీడియాలో సెన్సేషన్ క్రియేట్ చేస్తోంది. అదే... 'వృషకర్మ'. ఈ టీజర్ చూశాక "ఇది మన టాలీవుడ్ సినిమానేనా?" అనే డౌట్ రాకమానదు. వృషకర్మ గ్లింప్స్ ఓపెన్ అవ్వగానే మనల్ని ఒక చీకటి సామ్రాజ్యంలోకి తీసుకెళ్లారు. ఆ విజువల్స్, ఆ కలర్ గ్రేడింగ్ చూస్తుంటే ఏదో పురాతనమైన, మిస్టరీతో కూడిన ప్రపంచాన్ని చూస్తున్న ఫీలింగ్ కలుగుతుంది.
ఒక అడవి ప్రాంతం, పురాతన విగ్రహాలు, రక్తం చిందిన ఆయుధాలు... ఇవన్నీ చూస్తుంటే ఇదొక ఫోక్లోర్ రివెంజ్ డ్రామా అని అర్థమవుతోంది. నటీనటుల గెటప్స్ చాలా రా గా ఉన్నాయి. సహజత్వానికి చాలా దగ్గరగా ఉండేలా జాగ్రత్త పడ్డారు. ముఖ్యంగా హీరో ఎలివేషన్ షాట్స్ చాలా పవర్ఫుల్ గా ఉన్నాయి. ఈ గ్లింప్స్కి ప్రాణం పోసింది మాత్రం బ్యాక్ గ్రౌండ్ మ్యూజిక్. ఆ గంభీరమైన శబ్దాలు మనకు తెలియకుండానే ఒక రకమైన భయాన్ని, ఉత్కంఠను కలిగిస్తాయి. వీడియో మొత్తంలో డార్క్ థీమ్ వాడటం వల్ల సినిమాకి ఒక ఇంటెన్సిటీ వచ్చింది.
లైటింగ్ విషయంలో ఎక్కడా రాజీ పడలేదు. చాలా మంది ఈ గ్లింప్స్ చూశాక 'కాంతార' లేదా 'విరూపాక్ష' సినిమాలతో పోలుస్తున్నారు. కానీ మేకర్స్ చెప్పే దాని ప్రకారం, ఇది కంప్లీట్ గా కొత్త పాయింట్ తో వస్తున్న సినిమా. మట్టి వాసన కొట్టే కథలు ఎప్పుడూ ప్రేక్షకులకు కొత్త అనుభూతిని ఇస్తాయి. 'వృషకర్మ' కూడా అదే బాటలో ప్రయాణిస్తూ, బాక్సాఫీస్ దగ్గర ఒక సర్ప్రైజింగ్ హిట్ అయ్యేలా కనిపిస్తోంది. చిన్న సినిమాగా వచ్చి పెద్ద సెన్సేషన్ క్రియేట్ చేసే లక్షణాలు ఇందులో పుష్కలంగా ఉన్నాయి.
