టాలీవుడ్ యంగ్ అండ్ టాలెంటెడ్ హీరో అడివి శేష్ గురించి ప్రత్యేకంగా చెప్పాల్సిన అవసరం లేదు. ఎంచుకునే కథల్లో వైవిధ్యం, స్క్రీన్ ప్లేలో పదును ఉండటంతో ఆయన సినిమాలపై ప్రేక్షకుల్లో భారీ అంచనాలు ఉంటాయి. ‘క్షణం’, ‘గూఢచారి’, ‘మేజర్’, ‘హిట్-2’ వంటి వరుస విజయాల తర్వాత శేష్ నటిస్తున్న లేటెస్ట్ యాక్షన్ డ్రామా ‘డెకాయిట్: ఏ లవ్ స్టోరీ’. తాజాగా ఈ సినిమా విడుదల తేదీపై చిత్ర యూనిట్ ఒక క్లారిటీ ఇచ్చింది.
చాలా కాలంగా షూటింగ్ జరుపుకుంటున్న ఈ చిత్రం ఎప్పుడెప్పుడు వస్తుందా అని ఎదురుచూస్తున్న అభిమానులకు మేకర్స్ గుడ్ న్యూస్ చెప్పారు. ‘డకోయిట్’ సినిమా ఏప్రిల్ 10వ తేదీన ప్రపంచవ్యాప్తంగా భారీ ఎత్తున థియేటర్లలో విడుదల కానుంది. సమ్మర్ కానుకగా వస్తున్న ఈ చిత్రం బాక్సాఫీస్ వద్ద మంచి వసూళ్లను రాబడుతుందని ట్రేడ్ వర్గాలు విశ్లేషిస్తున్నాయి.
ఈ సినిమా టైటిల్ వినగానే ఇదొక మాస్ యాక్షన్ మూవీ అని అనిపించినప్పటికీ, దీని వెనుక ఒక గాఢమైన ప్రేమకథ ఉందని చిత్ర బృందం ఇప్పటికే హింట్ ఇచ్చింది. శేష్, మృణాల్ ఠాకూర్ మధ్య కెమిస్ట్రీ ఎలా ఉండబోతుందోనని ఆడియన్స్ ఆసక్తిగా ఉన్నారు. షానియేల్ డియో ఈ చిత్రంతో దర్శకుడిగా పరిచయం అవుతున్నారు. గతంలో శేష్ సినిమాలకు సినిమాటోగ్రాఫర్గా పనిచేసిన అనుభవం ఆయనకు ఉంది. అన్నపూర్ణ స్టూడియోస్ మరియు శ్రీ వెంకటేశ్వర క్రియేషన్స్ సహకారంతో ఈ సినిమా భారీ బడ్జెట్తో తెరకెక్కుతోంది. ఇది పాన్-ఇండియా రేంజ్లో తెలుగు మరియు హిందీ భాషల్లో ఏకకాలంలో విడుదల కానుంది.
