దక్షిణాది చిత్ర పరిశ్రమలో 'జైలర్' సృష్టించిన ప్రభంజనం అంతా ఇంతా కాదు. నెల్సన్ దిలీప్ కుమార్ దర్శకత్వంలో వచ్చిన ఈ సినిమా బాక్సాఫీస్ వద్ద కాసుల వర్షం కురిపించింది. ఇప్పుడు అంతకు మించిన హైప్తో 'జైలర్ 2' సిద్ధమవుతోంది. అయితే, ఈ సీక్వెల్ గురించి తాజాగా వినిపిస్తున్న ఒక వార్త సోషల్ మీడియాను షేక్ చేస్తోంది. ఈ క్రేజీ ప్రాజెక్టులో బాలీవుడ్ కింగ్ ఖాన్ షారుఖ్ ఖాన్ భాగం కాబోతున్నారనేది సెన్సేషన్ క్రియేట్ చేస్తోంది.
వైరల్ అవుతున్న సమాచారం ప్రకారం, 'జైలర్ 2'లో షారుఖ్ ఖాన్ ఒక శక్తివంతమైన పోలీస్ ఆఫీసర్ పాత్రలో కనిపించనున్నారు. ఇది కేవలం అతిథి పాత్ర మాత్రమే కాదు, ఒక 'ఎక్స్టెండెడ్ క్యామియో' అని తెలుస్తోంది. అంటే కథ మలుపు తిరిగే కీలక సమయంలో షారుఖ్ ఎంట్రీ ఉంటుందని సమాచారం. రజనీకాంత్ మాజీ పోలీస్ ఆఫీసర్ 'ముత్తువేల్ పాండియన్'గా అలరించగా, షారుఖ్ ఖాన్ పాత్ర ఆయనకు తోడుగా లేదా ఒక కీలక మిషన్లో సహాయపడే అధికారిగా ఉంటుందని ఫ్యాన్స్ అంచనా వేస్తున్నారు.
మొదటి భాగంలో క్లైమాక్స్ సీక్వెన్స్ ఎంతటి ఇంపాక్ట్ చూపించిందో మనందరికీ తెలిసిందే. శివరాజ్ కుమార్, మోహన్ లాల్ వంటి అగ్ర కథానాయకులు వచ్చి రజనీకి అండగా నిలబడటం థియేటర్లలో పూనకాలు తెప్పించింది. ఇప్పుడు రెండో భాగంలో అంతకు మించిన 'హై-వోల్టేజ్' క్లైమాక్స్ ప్లాన్ చేస్తున్నారట.
షారుఖ్ ఖాన్తో పాటు విలక్షణ నటుడు ఎస్.జె. సూర్య కూడా ఈ చిత్రంలో ఒక కీలక పాత్రలో కనిపించబోతున్నట్లు వార్తలు వస్తున్నాయి. రజనీ, షారుఖ్ మరియు ఎస్.జె. సూర్య ఒకే ఫ్రేమ్లో కనిపిస్తే బాక్సాఫీస్ రికార్డులు తిరగరాయడం ఖాయం.దర్శకుడు నెల్సన్ దిలీప్ కుమార్ డార్క్ కామెడీ మరియు యాక్షన్ను మేళవించడంలో దిట్ట. రజనీకాంత్ మాస్ ఇమేజ్ను ఆయన ప్రెజెంట్ చేసిన విధానానికి ఫ్యాన్స్ ఫిదా అయ్యారు. ఇప్పుడు షారుఖ్ ఖాన్ను కూడా తన స్టైల్లో చూపిస్తే, అది ఇండియన్ సినిమాలోనే అతిపెద్ద మల్టీస్టారర్లలో ఒకటిగా నిలవనుంది.
