టాలీవుడ్ బాక్సాఫీస్ దగ్గర రికార్డుల వేట మొదలైతే ఆ పేరు ఒకటే వినిపిస్తుంది.. ఆయనే 'యంగ్ టైగర్' ఎన్టీఆర్. కేవలం నటనతోనే కాకుండా, పాత్ర కోసం ప్రాణం పెట్టే నటులలో తారక్ ఎప్పుడూ ముందు వరుసలో ఉంటారు. ప్రస్తుతం గ్లోబల్ స్థాయిలో క్రేజ్ సంపాదించుకున్న తారక్, తన తదుపరి సినిమాల కోసం చేస్తున్న కసరత్తులు చూస్తుంటే ఫ్యాన్స్కు పూనకాలు రావడం ఖాయం. తాజాగా సోషల్ మీడియాలో ఎన్టీఆర్ షేర్ చేసిన ఒక ఫోటో ఇప్పుడు ఇంటర్నెట్ను షేక్ చేస్తోంది. ఒక నటుడు తన పాత్రలో పరకాయ ప్రవేశం చేయాలంటే కేవలం డైలాగ్ డెలివరీ సరిపోదు, ఆ పాత్రకు తగ్గ రూపం కూడా ఉండాలి. గతంలో ‘యమదొంగ’ కోసం బరువు తగ్గి అందరినీ ఆశ్చర్యపరిచిన తారక్, ‘ఆర్ఆర్ఆర్’ సినిమాలో కొమరం భీమ్ పాత్ర కోసం తన బాడీని ఏ రేంజ్లో బిల్డ్ చేశారో మనందరికీ తెలిసిందే. ఇప్పుడు అంతకు మించి అనేలా తన దేహాన్ని మలుచుకుంటున్నారు.
ప్రస్తుతం తారక్, టాలెంటెడ్ డైరెక్టర్ ప్రశాంత్ నీల్ దర్శకత్వంలో ఒక భారీ యాక్షన్ ఎంటర్టైనర్లో నటించబోతున్నారు. ఈ సినిమా షూటింగ్ ప్రారంభం కాకముందే, తన లుక్ విషయంలో తారక్ తీసుకుంటున్న జాగ్రత్తలు అందరినీ ఆశ్చర్యపరుస్తున్నాయి. తాజాగా ఎన్టీఆర్ తన ఇన్ స్టాగ్రామ్ ఖాతాలో ఒక ఫోటోను షేర్ చేశారు. ఆ ఫోటోలో జిమ్ లో కష్టపడుతూ తన కండలు తిరిగిన వీపును చూపిస్తూ కనిపించారు. ఈ ఫోటోకు ఆయన పెట్టిన క్యాప్షన్ మరింత పవర్ఫుల్గా ఉంది. “ఇది కష్టపడి నిర్మించుకున్నది.. కొన్నది కాదు”
అంటూ తారక్ రాసుకొచ్చారు. అంటే, ఈ బాడీ రావడానికి ఆయన ఎంతలా చెమటోడ్చారో ఆ మాటల్లోనే అర్థమవుతోంది. సాధారణంగా హీరోలు బాడీ బిల్డింగ్ చేస్తే అది కేవలం స్క్రీన్ మీద కనిపించడం కోసం అనుకుంటారు. కానీ తారక్ దృష్టిలో అది తన వృత్తి పట్ల ఉన్న గౌరవం మరియు క్రమశిక్షణ. ఈ ఫోటో చూస్తుంటే ప్రశాంత్ నీల్ సినిమాలో ఎన్టీఆర్ ఒక మాస్ అవతారంలో కనిపించబోతున్నారని స్పష్టమవుతోంది.
ప్రశాంత్ నీల్ అంటేనే ఒక డార్క్ థీమ్, ఎలివేషన్లు, మరియు హై-వోల్టేజ్ యాక్షన్ సీక్వెన్స్లకు కేరాఫ్ అడ్రస్. ‘కేజీఎఫ్’, ‘సలార్’ వంటి బ్లాక్ బస్టర్ల తర్వాత ఆయన ఎన్టీఆర్తో సినిమా తీస్తున్నారంటే అంచనాలు ఆకాశాన్ని తాకుతున్నాయి. ఈ సినిమా కోసం తారక్ తన బాడీని ఈ రేంజ్లో మలచుకుంటున్నారంటే, యాక్షన్ సీన్లు ఏ స్థాయిలో ఉంటాయో ఊహించుకోవచ్చు.ఫ్యాన్స్ అంచనాల ప్రకారం, ఈ సినిమాలో ఎన్టీఆర్ మునుపెన్నడూ చూడని ఒక కొత్త లుక్ లో కనిపించనున్నారు. ముఖ్యంగా తారక్ ఫిజిక్ చూస్తుంటే ఇందులో భారీ ఫైట్ సీక్వెన్స్లు ఉండబోతున్నాయని నెటిజన్లు కామెంట్స్ చేస్తున్నారు. తారక్ ఫోటో షేర్ చేసిన నిమిషాల్లోనే అది వైరల్గా మారింది. ఎన్టీఆర్ ఫ్యాన్స్ హ్యాష్ ట్యాగ్లతో సోషల్ మీడియాను హోరెత్తిస్తున్నారు. ఏ పాత్ర ఇచ్చినా అందులో ఒదిగిపోయే తారక్, ఇప్పుడు తన మేకోవర్తోనే అందరిలో ఆసక్తిని పెంచేశారు. నీల్ సినిమా కోసం సిద్ధమవుతున్న తీరు చూస్తుంటే ఎన్టీఆర్ కెరీర్లో ఇదొక మైలురాయిగా నిలిచిపోయేలా కనిపిస్తోంది. మరి ఈ భారీ చిత్రంలో తారక్ విశ్వరూపం ఎలా ఉండబోతుందో వేచి చూడాల్సిందే.
