భారతీయ సినిమా ఎప్పుడెప్పుడా అని ఎదురుచూస్తున్న అద్భుతం జరగబోతోంది. 'ఉలగనాయగన్' కమల్ హాసన్ మరియు 'సూపర్ స్టార్' రజనీకాంత్ మళ్ళీ ఒకే స్క్రీన్పై కనిపించబోతున్నారు. దీనికి సంబంధించిన క్రేజీ ప్రోమో ఇప్పుడు సోషల్ మీడియాను షేక్ చేస్తోంది. ఈ బిగ్గెస్ట్ మల్టీస్టారర్ను తెరకెక్కించే బాధ్యతను సంచలన దర్శకుడు నెల్సన్ దిలీప్ కుమార్ తీసుకున్నాడు. 'జైలర్' సినిమాతో రజనీకాంత్కు మాసివ్ హిట్ ఇచ్చిన నెల్సన్, ఇప్పుడు ఈ ఇద్దరు లెజెండ్స్ను ఎలా హ్యాండిల్ చేస్తారో అన్నది ఆసక్తికరంగా మారింది. ఈ సినిమాకు అనిరుధ్ రవిచందర్ సంగీతం అందిస్తున్నాడు.
ఇప్పటికే వీరిద్దరి సినిమాలకు అనిరుధ్ ఇచ్చిన బ్యాక్ గ్రౌండ్ మ్యూజిక్ ఏ రేంజ్ లో ఉంటుందో సినీ అభిమానులకు బాగా తెలుసు. ఈ చిత్రాన్ని రెడ్ జెయింట్ మూవీస్ బ్యానర్పై ఉదయనిధి స్టాలిన్ నిర్మిస్తున్నాడు. ప్రస్తుతం వైరల్ అవుతున్న ప్రోమో చూస్తుంటే, ఇది ఒక పవర్ఫుల్ యాక్షన్ ఎంటర్టైనర్గా ఉండబోతోందని అర్థమవుతోంది. నిజానికి కమల్ హాసన్, రజనీకాంత్ తమ కెరీర్ ప్రారంభంలో కలిసి చాలా సినిమాలు చేశారు. కానీ స్టార్ డమ్ వచ్చాక, వారి ఇమేజ్ దృష్ట్యా మళ్ళీ కలిసి నటించే అవకాశం రాలేదు.
దాదాపు 40 ఏళ్ల తర్వాత మళ్ళీ వీరిద్దరినీ ఒకే ఫ్రేమ్లో చూడటం అనేది ఫ్యాన్స్కు పండుగే అని చెప్పాలి. 'KH - RK Reunion' అనే టైటిల్ తోనే సినిమాపై అంచనాలు ఆకాశాన్ని తాకుతున్నాయి. నెల్సన్ తనదైన స్టైల్ డార్క్ హ్యూమర్ మరియు యాక్షన్తో ఈ ఇద్దరు దిగ్గజాలను సరికొత్తగా ప్రెజెంట్ చేయబోతున్నారని సమాచారం. ప్రస్తుతం ఈ ప్రోమో సోషల్ మీడియాలో ట్రెండింగ్లో ఉంది. రజనీకాంత్ మాస్, కమల్ హాసన్ క్లాస్ యాక్టింగ్ కలిస్తే థియేటర్లు దద్దరిల్లడం ఖాయం. మరి ఈ క్రేజీ రీయూనియన్ గురించి మీరేమనుకుంటున్నారు? నెల్సన్ ఈ ఇద్దరు స్టార్స్కు జస్టిస్ చేయగలరా? కామెంట్ బాక్స్లో తెలియజేయండి.
