భారతీయ చరిత్రలో అత్యంత శక్తివంతమైన చక్రవర్తుల్లో ఒకరైన చంద్రగుప్త మౌర్య జీవిత విశేషాలు ఎప్పుడూ వెండితెరపై ఆసక్తికరమే. తాజాగా సోషల్ మీడియాలో ఒక పోస్టర్ తెగ వైరల్ అవుతోంది. అదే గనక నిజమైతే, ఇండియన్ బాక్సాఫీస్ దగ్గర రికార్డులు తిరగరాయడం ఖాయం. చంద్రగుప్త మౌర్యగా రణవీర్ సింగ్ పేరు వినబడగానే ఒక రకమైన హైప్ వచ్చేస్తుంది. 'బాజీరావ్ మస్తానీ', 'పద్మావత్' సినిమాల్లో ఆయన చూపించిన రాజసం, ఆ గంభీరమైన ఆహార్యం చంద్రగుప్తుడి పాత్రకు పర్ఫెక్ట్ సెట్ అవుతాయి. రణవీర్ చేసే ఇంటెన్స్ పర్ఫార్మెన్స్ ఈ పాత్రకు ప్రాణం పోస్తుంది అనడంలో సందేహం లేదు. చంద్రగుప్త మౌర్య భార్య దుర్ధర పాత్రలో దీపికా పదుకొణె అయితే ఆ స్క్రీన్ ప్రెజెన్స్ వేరే లెవల్లో ఉంటుంది.
రణవీర్-దీపికా జోడీకి ఉన్న క్రేజ్ గురించి ప్రత్యేకంగా చెప్పక్కర్లేదు. వీరిద్దరి మధ్య ఉండే కెమిస్ట్రీ మరియు ఎమోషనల్ సీన్స్ ఈ చిత్రానికి ప్రధాన ఆకర్షణగా నిలుస్తాయి. చంద్రగుప్తుడి కుమారుడు బిందుసారుడి పాత్రకు సైఫ్ అలీ ఖాన్ వారసుడు ఇబ్రహీం అలీ ఖాన్ పేరు వినిపిస్తోంది. నవాబీ లుక్ ఉన్న ఇబ్రహీం, ఈ పీరియడ్ డ్రామాలో యువ చక్రవర్తిగా చక్కగా సరిపోతాడు. ఇది అతనికి ఒక భారీ డెబ్యూ అవుతుందని అభిమానులు భావిస్తున్నారు. చంద్రగుప్తుడి తల్లి మురా పాత్రకు సీనియర్ నటి ఫరీదా జలాల్ సరైన ఎంపిక.
ఆ అమ్మతనంలోని మమకారాన్ని, కష్టాలను పండించడంలో ఆమెకు మించిన వారు లేరు. కథలో తల్లి సెంటిమెంట్ పండాలంటే ఆమె ఉండాల్సిందే.కథ మొత్తానికి వెన్నెముక వంటి పాత్ర 'చాణక్య'. ఈ పాత్రలో సంజయ్ మిశ్రాను ఊహించుకోవడం కొంచెం వింతగా ఉన్నా, ఆయన ఒక అద్భుతమైన నటుడు. చాణక్యుడిలోని తెలివితేటలు, గంభీరత మరియు ఆ వ్యూహకర్త లక్షణాలను తనదైన శైలిలో సంజయ్ మిశ్రా పండిస్తారని విశ్లేషకులు భావిస్తున్నారు. ఈ కాంబినేషన్ వినడానికే చాలా ఆసక్తికరంగా ఉంది. అయితే ఇది కేవలం అభిమానుల ఊహనా లేదా నిజంగానే ఇలాంటి ఒక భారీ ప్రాజెక్ట్ సెట్స్ పైకి వెళ్తుందా అన్నది కాలమే నిర్ణయించాలి. ఒకవేళ ఇదే నిజమైతే మాత్రం, బాలీవుడ్ చరిత్రలోనే అతిపెద్ద హిస్టారికల్ మూవీగా ఇది నిలిచిపోతుంది.
