ఆంధ్రప్రదేశ్ రాజకీయ క్షేత్రంలో ఇన్నాళ్లూ నిశ్శబ్దంగా ఉన్న పరిస్థితులు ఒక్కసారిగా మారిపోయాయి. మాజీ సీఎం వైఎస్ జగన్ మోహన్ రెడ్డి తన పొలిటికల్ గేమ్ను నెక్స్ట్ లెవల్కు తీసుకెళ్తూ ఢిల్లీ బాట పట్టారు. ఇది కేవలం పర్యటన కాదు, ప్రత్యర్థుల వ్యూహాలకు చెక్ పెట్టే ఒక పక్కా వ్యూహం. రాష్ట్రంలో జరుగుతున్న పరిణామాలపై ఇన్నాళ్లూ సమాచారాన్ని సేకరించిన జగన్, ఇప్పుడు నేరుగా ఢిల్లీ గడ్డపైనే తేల్చుకోవడానికి సిద్ధమయ్యారు. ఒకవైపు కేడర్లో ధైర్యం నింపుతూనే, మరోవైపు జాతీయ స్థాయిలో కూటమి ప్రభుత్వంపై ఒత్తిడి పెంచేలా జగన్ అడుగులు పడుతున్నాయి. ఈ పర్యటనతో ఏపీ రాజకీయాల్లో అసలైన సెగలు మొదలయ్యాయని చెప్పక తప్పదు.
జగన్ ఢిల్లీ పర్యటన వెనుక వైసీపీ మాజీ ఎంపీ, విజయసాయి రెడ్డి తన మార్క్ రాజకీయంతో చక్రం తిప్పారు. ఎవరికీ అనుమానం రాకుండా సైలెంట్ గా తన పని తాను చేసుకుంటూ వెళ్లిన సాయిరెడ్డి, చివరకు అత్యంత కీలకమైన కేంద్ర హోంమంత్రి అమిత్ షా అపాయింట్మెంట్ను ఖరారు చేయడంలో సక్సెస్ అయ్యారు. రాష్ట్రంలో శాంతిభద్రతల పరిస్థితి, రాజకీయ దాడులు, మరియు ప్రస్తుత ప్రభుత్వ వైఫల్యాలపై జగన్ బలంగా గళం విప్పబోతున్నారు. అమిత్ షా లాంటి పవర్ఫుల్ నేతతో జగన్ భేటీ కాబోతుండటం ఇప్పుడు రాజకీయ వర్గాల్లో హాట్ టాపిక్ గా మారింది. ఈ భేటీ తర్వాత ఏపీలో ఎలాంటి సంచలనాలు నమోదు కాబోతున్నాయో అన్న ఉత్కంఠ అందరిలోనూ నెలకొంది.
ఈసారి జగన్ ఢిల్లీ వెళ్తోంది ఉత్త చేతులతో కాదు. గత కొద్ది రోజులుగా ఏపీలో జరిగిన ప్రతి చిన్న ఇన్సిడెంట్ను, సోషల్ మీడియా అరెస్టులను, తమ నేతలపై దాడుల తాలూకు కంప్లీట్ రిపోర్ట్ను ఒక బుక్లెట్ రూపంలో సిద్ధం చేశారు. ఈ 'బ్లాక్ బుక్'ను అమిత్ షా ముందు పెట్టి, రాష్ట్రంలో రాజ్యాంగం అమలు కావడం లేదని గట్టిగా వాదించబోతున్నారు. ఇది కేవలం పొలిటికల్ మీటింగ్ కాదు.. ఇట్స్ ఏ చార్జ్ షీట్. విజయసాయి రెడ్డిని ఎందుకు చాణక్యుడు అంటారో ఈ పర్యటనతో మరోసారి ప్రూవ్ అయ్యింది. మిగతా నేతలంతా స్టేట్మెంట్లతో బిజీగా ఉంటే, సాయిరెడ్డి మాత్రం గత వారం రోజులుగా ఢిల్లీలోనే ఉండి, నార్త్ బ్లాక్ వర్గాలతో నిరంతరం టచ్లో ఉన్నారని టాక్.
అమిత్ షా అపాయింట్మెంట్ దొరకడం వెనుక సాయిరెడ్డికి ఉన్న పర్సనల్ రిలేషన్స్ మరియు ఆయన చేసిన సైలెంట్ ఆపరేషన్ ఇప్పుడు కూటమి నేతలకు నిద్ర లేకుండా చేస్తోంది. అమిత్ షాతో భేటీ ఒక ఎత్తు అయితే, ప్రధానమంత్రి నరేంద్ర మోడీతో జగన్ భేటీ కాబోతున్నారన్న వార్తలు ఇప్పుడు ప్రకంపనలు పుట్టిస్తున్నాయి. అన్నీ కుదిరితే జగన్-మోడీ భేటీ కూడా ఉండే అవకాశం ఉందని అత్యంత విశ్వసనీయ వర్గాల సమాచారం. ఒకవేళ మోడీతో భేటీ ఖరారైతే, అది కేవలం ఏపీ రాజకీయాలకే పరిమితం కాదు. నేషనల్ లెవల్లో వైఎస్సార్సీపీ స్టాండ్ ఏంటి..? భవిష్యత్తులో కేంద్రానికి అవసరమైన మద్దతు విషయంలో జగన్ ఎలాంటి హామీ ఇవ్వబోతున్నారు..? అనే కోణంలో కూడా చర్చ జరగొచ్చు. 'కుదిరితే మోడీ.. లేదంటే అమిత్ షా' - ఈ రెండింటిలో ఏది జరిగినా ఏపీ ప్రభుత్వానికి ఒక స్ట్రాంగ్ సిగ్నల్ వెళ్లడం ఖాయం.
జగన్ ఢిల్లీ పర్యటన వార్త బయటకు రాగానే, అటు కూటమి ప్రభుత్వంలో కూడా అలజడి మొదలైంది. జగన్ ఢిల్లీలో ఏం చెప్పబోతున్నారు..? కేంద్ర పెద్దలు దానికి ఎలా స్పందిస్తారు..? అనే టెన్షన్ ఇప్పుడు అమరావతిలో కనిపిస్తోంది. దీనికి కౌంటర్గా కూటమి నేతలు కూడా ఢిల్లీకి వెళ్లే ప్లాన్ చేస్తున్నారా..? అంటే అవుననే అంటున్నాయి రాజకీయ వర్గాలు. ఈ పర్యటన ద్వారా జగన్ తన కార్యకర్తలకు ఒక క్లియర్ మెసేజ్ ఇస్తున్నారు: 'నేనున్నాను.. నేను పోరాడుతున్నాను.. మీరు ధైర్యంగా ఉండండి'. ఢిల్లీ గడ్డపై జగన్ గళం విప్పితే, అది గ్రామ గ్రామాన ఉన్న వైసీపీ సైనికుడిలో కొత్త రక్తాన్ని నింపుతుంది. వచ్చే ఎన్నికల వరకు ఈ జోష్ను కంటిన్యూ చేయడమే జగన్ అసలు టార్గెట్.
ఒకవేళ ఇదే నిజమైతే.. ఏపీ రాజకీయ ముఖచిత్రం పూర్తిగా మారిపోవడం ఖాయం. రాష్ట్ర ప్రయోజనాల సాకుతోనే కాకుండా, రాజకీయ అరాచకాలను ప్రధాని దృష్టికి తీసుకెళ్లి దేశవ్యాప్తంగా చర్చ జరిగేలా జగన్ ప్లాన్ చేస్తున్నారు. ఢిల్లీ వేదికగా జగన్ సంధించబోయే అస్త్రాలు ఎవరిని గురిపెట్టబోతున్నాయి..? మోడీ ఆశీస్సులు ఎవరికి దక్కబోతున్నాయి..? ఈ పర్యటన ఏపీ పాలిటిక్స్లో ఎలాంటి క్లైమాక్స్ను చూపిస్తుందో వేచి చూడాలి.
