ప్రస్తుతం టాలీవుడ్లో అత్యంత ఆసక్తిగా ఎదురుచూస్తున్న పాన్ ఇండియా చిత్రాలలో 'ది ప్యారడైజ్' ఒకటి. 'దసరా' వంటి భారీ బ్లాక్బస్టర్ విజయం తర్వాత నేచురల్ స్టార్ నాని మరియు మాస్ డైరెక్టర్ శ్రీకాంత్ ఒదెల కాంబినేషన్లో వస్తున్న రెండో చిత్రం కావడంతో ఈ ప్రాజెక్ట్పై అంచనాలు ఆకాశాన్ని తాకుతున్నాయి.ఈ భారీ పాన్ ఇండియా చిత్రాన్ని సెప్టెంబర్ 24న ప్రపంచవ్యాప్తంగా థియేటర్లలో విడుదల చేయనున్నట్లు మేకర్స్ ఇప్పటికే అధికారికంగా ప్రకటించారు. కాగా, ఈ సినిమా ప్రమోషన్స్లో భాగంగా విడుదల చేసిన మొదటి పాట 'ఆయా షేర్' అద్భుతమైన విజయాన్ని సాధించి, చార్ట్బస్టర్గా నిలిచిన సంగతి తెలిసిందే. దీంతో ఈ చిత్రం నుండి రాబోయే రెండో పాట ఎప్పుడు వస్తుందా అని నాని అభిమానులు, సంగీతాభిమానులు ఎంతో ఆసక్తిగా ఎదురుచూస్తున్నారు.
తాజాగా ఫిలిం నగర్ వర్గాల నుండి అందుతున్న సమాచారం ప్రకారం, 'ది ప్యారడైజ్' చిత్రం నుంచి సెకండ్ సింగిల్గా ఒక ఊరమాస్ ఐటమ్ సాంగ్ ను విడుదల చేయడానికి చిత్ర యూనిట్ ప్లాన్ చేస్తోంది.ఈ పాటకు అనిరుధ్ రవిచందర్ పక్కా తెలంగాణ ఫోక్ మాస్ బీట్ అందించినట్లు తెలుస్తోంది. అనిరుధ్ అందించే మాస్ మ్యూజిక్ ఎలాంటి షేక్ ఇస్తుందో ప్రత్యేకంగా చెప్పక్కర్లేదు. ఈ సారి తెలంగాణ జానపద శైలిలో అనిరుధ్ కంపోజ్ చేసిన ఈ ట్రాక్ శ్రోతలను, థియేటర్లలో ప్రేక్షకులను ఊపేస్తుందని టాక్ నడుస్తోంది. ఈ పాటలో ఉన్న మరో పెద్ద విశేషం ఏమిటంటే.. ఈ మాస్ ఐటమ్ నంబర్లో నేచురల్ స్టార్ నానితో పాటు స్టార్ హీరోయిన్ కీర్తి సురేష్ కూడా ఆడి పాడినట్లు సమాచారం.
నేను లోకల్', 'దసరా' వంటి సినిమాల్లో నాని - కీర్తి సురేష్ జోడీకి ప్రేక్షకుల నుండి విశేష ఆదరణ లభించింది. ముఖ్యంగా 'దసరా' చిత్రంలో వీరిద్దరి నటన, స్క్రీన్ ప్రెజెన్స్ సినిమా విజయంలో కీలక పాత్ర పోషించాయి. ఇప్పుడు మళ్లీ 'ది ప్యారడైజ్' చిత్రంలోని ఈ ప్రత్యేక పాటలో వీరిద్దరూ కలిసి కనిపించబోతున్నారనే వార్త వినగానే ఫ్యాన్స్లో ఉత్సాహం రెట్టింపైంది. నాని మాస్ స్టెప్పులు, కీర్తి సురేష్ గ్లామర్ అండ్ ఎనర్జీ ఈ పాటకు ప్రధాన ఆకర్షణగా నిలవనున్నాయి. ఈ పాట ప్రమోషన్ను కేవలం యూట్యూబ్కే పరిమితం చేయకుండా చాలా వినూత్నంగా ప్లాన్ చేస్తున్నారు మేకర్స్.
సంగీత దర్శకుడు అనిరుధ్ రవిచందర్ అమెరికాలోని టెక్సాస్ లో నిర్వహించనున్న తన మ్యూజికల్ కాన్సర్ట్లో ఈ పాటను లైవ్గా పెర్ఫార్మ్ చేయనున్నట్లు సమాచారం.ఓ తెలుగు సినిమా పాటకు సంబంధించి అంతర్జాతీయ వేదికపై కాన్సర్ట్ ద్వారా ప్రమోషన్ చేయడం అనేది చాలా అరుదుగా చూస్తుంటాం. ఇది సినిమాకు విపరీతమైన హైప్ తెచ్చిపెడుతుందనడంలో ఎలాంటి సందేహం లేదు.మొత్తానికి 'ఆయా షేర్' పాటతోనే అంచనాలు పెంచేసిన 'ది ప్యారడైజ్' బృందం, ఇప్పుడు ఈ తెలంగాణ ఫోక్ మాస్ ఐటమ్ సాంగ్తో చార్ట్బస్టర్స్ లిస్ట్లో మరో రికార్డ్ క్రియేట్ చేయడానికి సిద్ధమవుతోంది. మరి నాని - కీర్తి సురేష్ కాంబినేషన్లో, అనిరుధ్ ఊరమాస్ మ్యూజిక్తో రాబోతున్న ఈ పాట ప్రేక్షకులను ఏ స్థాయిలో ఆకట్టుకుంటుందో చూడాలి.
