ప్రస్తుతం టాలీవుడ్ మొత్తం ఎదురుచూస్తున్న ఏకైక పేరు ‘ఉస్తాద్ భగత్ సింగ్’. గబ్బర్ సింగ్ తర్వాత పవన్ కళ్యాణ్ - హరీష్ శంకర్ కాంబినేషన్లో వస్తున్న సినిమా కావడంతో అంచనాలు ఆకాశాన్ని తాకుతున్నాయి. నేడు జరగనున్న ఈ చిత్ర ప్రీ-రిలీజ్ ఈవెంట్ కేవలం ఒక సినిమా వేడుక మాత్రమే కాదు, పవన్ కళ్యాణ్ మాస్ పవర్కు నిదర్శనంగా నిలవబోతోంది. పవన్ కళ్యాణ్ స్క్రీన్పై కనిపిస్తే వచ్చే పూనకాలు ఒకెత్తయితే, వేదికపై ఆయన ఇచ్చే స్పీచ్ మరో ఎత్తు. ‘ఉస్తాద్’ అంటేనే మాస్.. ఆ మాస్ జాతర ఎలా ఉండబోతుందో ఈ వేడుకను చూస్తుంటేనే అర్థమవుతోంది. ఈ వేడుకలో ప్రధానంగా చెప్పుకోవాల్సిన అంశాల్లో దేవి శ్రీ ప్రసాద్ మ్యూజిక్ ముందు వరుసలో ఉంటుంది.
మ్యానరిజం' పాటతో ఇప్పటికే యూట్యూబ్ను షేక్ చేసిన రాక్ స్టార్, ఈ సాయంత్రం లైవ్ పెర్ఫార్మెన్స్తో స్టేజ్ను దడదడలాడించబోతున్నారు. పవన్లోని అసలైన మాస్ యాంగిల్ను బయటకు తీయడంలో హరీష్ దిట్ట. యూసుఫ్ గూడలో కాబోయే ఈవెంట్ అభిమానులకు మెంటల్ ఎక్కించడం ఖాయం. చిత్ర యూనిట్తో పాటు టాలీవుడ్ ప్రముఖులు ఈ వేడుకకు తరలివస్తున్నారు. పవన్ కళ్యాణ్ గురించి వారు చెప్పబోయే ఆసక్తికర విషయాల కోసం అందరూ వేచి చూస్తున్నారు.
ఆయన ట్రెండ్ ఫాలో అవ్వడు.. సెట్ చేస్తాడు" అన్న డైలాగ్ను నిజం చేస్తూ, 'ఉస్తాద్ భగత్ సింగ్' ప్రీ-రిలీజ్ ఈవెంట్ సోషల్ మీడియాలో రికార్డులు సృష్టిస్తోంది. Xలో హ్యాష్ ట్యాగ్లు టాప్ ట్రెండింగ్లో ఉన్నాయి. ‘భగత్ సింగ్’గా పవన్ కళ్యాణ్ పవర్ఫుల్ పోలీస్ గెటప్ చూసి ఫ్యాన్స్ పండగ చేసుకుంటున్నారు. సినిమా కేవలం ఎంటర్టైన్మెంట్ మాత్రమే కాదు, పవన్ కళ్యాణ్ ఫ్యాన్స్కు అది ఒక ఎమోషన్. 'పవన్ కళ్యాణ్ ఈజ్ బ్యాక్' అన్న రేంజ్లో ఈ సినిమా ఉండబోతోందని చిత్ర యూనిట్ ధీమా వ్యక్తం చేస్తోంది. మరి ఈ గ్రాండ్ ఈవెంట్లో పవన్ ఏం మాట్లాడబోతున్నారు? ట్రైలర్ ఎలా ఉండబోతోంది? అన్న విషయాలు తెలియాలంటే వేడుక ముగిసే వరకు వేచి చూడాల్సిందే.
