టాలీవుడ్ గ్లోబల్ స్టార్ రామ్ చరణ్, ఉప్పెన ఫేమ్ బుచ్చిబాబు సన దర్శకత్వంలో రూపొందుతున్న భారీ బడ్జెట్ చిత్రం పెద్దిపై అంచనాలు ఆకాశాన్ని తాకుతున్నాయి. ఈ సినిమాకు సంబంధించి రోజుకో ఆసక్తికరమైన వార్త సోషల్ మీడియాలో వైరల్ అవుతోంది. తాజాగా ఈ చిత్రంలో కథానాయిక మృణాల్ ఠాకూర్ మీద చిత్రీకరించనున్న ఒక స్పెషల్ సాంగ్ గురించి ఇండస్ట్రీలో ఒక క్రేజీ అప్డేట్ వినిపిస్తోంది.
సీతా రామం' సినిమాతో తెలుగు ప్రేక్షకుల గుండెల్లో సుస్థిర స్థానాన్ని సంపాదించుకున్న మృణాల్ ఠాకూర్, ఇప్పుడు చరణ్ సరసన నటించే అవకాశం దక్కించుకున్నట్లు సమాచారం.
అయితే, ఈ సినిమాలో ఆమె కేవలం ఒక పాటకే పరిమితమా లేక కీలక పాత్ర పోషిస్తుందా అన్నది ఇంకా సస్పెన్స్. కానీ, పెద్దిలో మృణాల్ కోసం బుచ్చిబాబు ఒక అద్భుతమైన మెలోడియస్ డ్యాన్స్ నంబర్ను ప్లాన్ చేసినట్లు టాక్. ఈ చిత్రానికి ఆస్కార్ విజేత ఏఆర్ రెహమాన్ సంగీతాన్ని అందిస్తున్నారు. బుచ్చిబాబు గత చిత్రం 'ఉప్పెన'కు దేవి శ్రీ ప్రసాద్ క్లాసిక్ ఆల్బమ్ ఇచ్చారు. ఇప్పుడు రెహమాన్ నుండి కూడా అంతకు మించిన మ్యూజిక్ ఆశిస్తున్నారు ఫ్యాన్స్."మృణాల్ ఠాకూర్ అందం, రామ్ చరణ్ గ్రేస్ కలిస్తే స్క్రీన్ మీద మ్యాజిక్ ఖాయం. విశ్వసనీయ వర్గాల సమాచారం ప్రకారం, ఈ పాట ఒక విలేజ్ బ్యాక్డ్రాప్లో సాగే రొమాంటిక్ లేదా సెలబ్రేషన్ సాంగ్ అయి ఉండవచ్చని తెలుస్తోంది.
ఉత్తరాంధ్ర నేపథ్యంలో సాగే ఈ కథలో జానపద బాణీలతో కూడిన క్లాసిక్ టచ్ను రెహమాన్ ఇవ్వబోతున్నారట. రామ్ చరణ్ తన డ్యాన్స్తో దుమ్ములేపడం పక్కా, దానికి మృణాల్ తన క్లాసిక్ ఎక్స్ప్రెషన్స్తో తోడైతే థియేటర్లు దద్దరిల్లడం ఖాయం. మొత్తానికి 'పెద్ది' సినిమా అప్డేట్స్ మెగా అభిమానుల్లో ఉత్సాహాన్ని నింపుతున్నాయి. మృణాల్ ఠాకూర్ సాంగ్ గురించి అధికారిక ప్రకటన వస్తే ఈ సినిమాపై అంచనాలు రెట్టింపు అవుతాయి. క్రీడలు, సెంటిమెంట్ మరియు అదిరిపోయే మ్యూజిక్ కలగలిసిన ఈ చిత్రం బాక్సాఫీస్ వద్ద ఎన్ని రికార్డులను తిరగరాస్తుందో చూడాలి.
