కన్నడ రాకింగ్ స్టార్ యశ్ అంటే కేవలం ఒక హీరో మాత్రమే కాదు, ఇప్పుడాయన ఒక గ్లోబల్ బ్రాండ్. 'కేజీఎఫ్' సిరీస్తో బాక్సాఫీస్ వద్ద రికార్డుల సునామీ సృష్టించిన యశ్, తన తదుపరి చిత్రం 'టాక్సిక్' విషయంలో ఎక్కడా తగ్గడం లేదు. తాజాగా ఈ సినిమా గురించి, అలాగే డైరెక్టర్ గీతూ మోహన్ దాస్ పనితీరు గురించి యశ్ చేసిన ఆసక్తికర వ్యాఖ్యలు ఇప్పుడు సోషల్ మీడియాలో వైరల్ అవుతున్నాయి. సాధారణంగా గ్యాంగ్స్టర్ సినిమాలంటే రక్తపాతం, మాస్ డైలాగులు, యాక్షన్ సీక్వెన్స్లు మాత్రమే ఉంటాయని అందరూ అనుకుంటారు. కానీ 'టాక్సిక్' విషయంలో యశ్ చాలా భిన్నమైన విషయాన్ని వెల్లడించారు. ఈ చిత్రాన్ని తెరకెక్కిస్తున్న దర్శకురాలు గీతూ మోహన్ దాస్, ఒక మహిళా కోణంలో గ్యాంగ్స్టర్ కథను ఎలా చూడవచ్చో ప్రపంచానికి చూపించబోతున్నారని యశ్ పేర్కొన్నారు.
గీతూ మోహన్ దాస్ గారు కేవలం దర్శకురాలు మాత్రమే కాదు, ఆమె ఒక గొప్ప రచయిత్రి. ఈ కథను ఆమె మలిచిన తీరు అద్భుతం. ముఖ్యంగా శృంగార సన్నివేశాల నుంచి హై-వోల్టేజ్ యాక్షన్ సీక్వెన్స్ల వరకు ప్రతి విషయంలో ఆమెకు స్పష్టమైన క్లారిటీ ఉంది," అని యశ్ కొనియాడారు. ఇప్పటివరకు మనం చూసిన గ్యాంగ్స్టర్ సినిమాలు హీరో ఎలివేషన్ల చుట్టూ తిరుగుతుంటాయి. అయితే, 'టాక్సిక్' సినిమాలో భావోద్వేగాలకు పెద్దపీట వేసినట్లు తెలుస్తోంది. గీతూ మోహన్ దాస్ తన గత చిత్రాలైన 'లయర్స్ డైస్', 'మూతోన్' చిత్రాలతో అంతర్జాతీయ స్థాయిలో గుర్తింపు పొందారు. ఆమె శైలి చాలా సహజంగా, లోతుగా ఉంటుంది. ఇప్పుడు యశ్ వంటి మాస్ హీరోతో ఆమె చేస్తున్న ఈ ప్రయోగం భారతీయ చలనచిత్ర రంగంలో సరికొత్త ట్రెండ్కు శ్రీకారం చుట్టబోతోందని సినీ విశ్లేషకులు భావిస్తున్నారు.
'కేజీఎఫ్ 2' తర్వాత యశ్ తదుపరి సినిమా కోసం అభిమానులు దాదాపు రెండేళ్లుగా ఎదురుచూస్తున్నారు. 'టాక్సిక్ - ఏ ఫెయిరీ టేల్ ఫర్ గ్రోన్ అప్స్' అనే ట్యాగ్లైన్తో వచ్చిన అనౌన్స్మెంట్ వీడియో అప్పట్లో సెన్సేషన్ క్రియేట్ చేసింది. ఇప్పుడు యశ్ స్వయంగా సినిమా మేకింగ్ గురించి,అందులోని లోతు గురించి మాట్లాడటంతో సినిమా రేంజ్ మారిపోయింది.మొత్తానికి, 'టాక్సిక్' సినిమాతో యశ్ మరోసారి తన నట విశ్వరూపాన్ని చూపించబోతున్నారు. గీతూ మోహన్ దాస్ విజన్, యశ్ స్టార్డమ్ తోడైతే బాక్సాఫీస్ వద్ద మరో మ్యాజిక్ జరగడం ఖాయం. ఒక మహిళా దర్శకురాలి కోణంలో గ్యాంగ్స్టర్ డ్రామా ఎలా ఉంటుందో చూడడానికి అభిమానులు ఉత్సాహంగా ఎదురుచూస్తున్నారు.
