ఎవర్ గ్రీన్ క్లాసిక్ 'అతడు' మూవీ మళ్ళీ థియేటర్లలోకి రానుంది. విషయంలోకెళ్తే తెలుగు సినిమాలో కొన్ని సినిమాలు మాత్రమే ఎన్నిసార్లు చూసినా బోర్ కొట్టవు. అందులో ఫస్ట్ ప్లేస్ ఎవరిది అంటే టక్కున గుర్తొచ్చే పేరు 'అతడు'. మాటల మాంత్రికుడు త్రివిక్రమ్ మేకింగ్, సూపర్స్టార్ మహేష్ బాబు బాడీ లాంగ్వేజ్.. ఈ కాంబినేషన్ ఒక హిస్టరీ!. ఇప్పుడు ఈ క్లాసిక్ మళ్ళీ థియేటర్లలో రచ్చ చేయడానికి సిద్ధమైంది.
గతేడాది ఆగస్టు 9న మహేష్ బాబు బర్త్ డే సందర్భంగా 'అతడు' 4K వెర్షన్ గ్రాండ్గా రీ-రిలీజ్ అయ్యి బాక్సాఫీస్ దగ్గర దాదాపు 7 కోట్ల గ్రాస్ వసూలు చేసింది. అయితే, ఆ క్రేజ్ ఇంకా తగ్గలేదని అర్థమవుతోంది. అందుకే, ఈ ఫిబ్రవరి 28న మరోసారి గ్రాండ్గా సెకండ్ రీ-రిలీజ్ ప్లాన్ చేశారు. ఈ సినిమాను ప్రసాద్ ల్యాబ్స్లో అత్యంత నాణ్యమైన Super 4K Resolution మరియు Dolby Atmos సౌండ్తో రీ-మాస్టర్ చేశారు. కొన్ని నివేదికల ప్రకారం, ఈ సినిమాను ఐమాక్స్ ఫార్మాట్కు అనుగుణంగా కన్వర్ట్ చేసే ప్రయత్నాలు కూడా జరిగాయి.
ఇది జరిగితే, ఒక పాత సినిమా ఐమాక్స్ వెర్షన్లో రావడం టాలీవుడ్లో ఇదే మొదటిసారి అవుతుంది."ఐకానిక్ చర్చి క్లైమాక్స్ ఫైట్ షూట్ చేయడానికి ఏకంగా 28 రోజులు పట్టింది. అప్పట్లో లండన్ నుండి ప్రత్యేకమైన కెమెరాలు తెప్పించారు. థియేటర్లో వసూళ్ల కంటే కూడా, బుల్లితెరపై అత్యధిక రేటింగ్స్ సాధించి, ఎక్కువ సార్లు టెలికాస్ట్ అయిన సినిమాగా 'అతడు' రికార్డ్ క్రియేట్ చేసింది. త్రివిక్రమ్ తొళినాళ్ళలో కథను నమ్మి జయభేరి ఆర్ట్స్ భారీ బడ్జెట్తో నిర్మించింది.
"ప్రస్తుతం బుకింగ్స్ ఓపెన్ అవ్వగానే 'బుక్ మై షో'లో ఈ సినిమా ట్రెండింగ్లోకి వచ్చేసింది. ఫిబ్రవరి 28న పెద్ద సినిమాలు ఏవీ లేకపోవడం ఈ సినిమాకి ప్లస్ పాయింట్. ఖలేజా రీ-రిలీజ్ రికార్డులను ఈసారి 'అతడు' బ్రేక్ చేస్తుందేమో చూడాలి. మహేష్ బాబు ఫ్యాన్స్ థియేటర్ల దగ్గర పేపర్లు చల్లడానికి, ఈలలు వేయడానికి రెడీ అయిపోయారు!"
"నందు అలియాస్ పార్ధు.. ఈ పేరు వింటేనే ఒక వైబ్రేషన్. మరి మీలో ఎంతమంది ఈ సినిమాని థియేటర్లో చూడబోతున్నారు? మీకు నచ్చిన డైలాగ్ ఏంటో కింద కామెంట్ చేయండి.
