టాలీవుడ్ సూపర్ స్టార్ మహేష్ బాబు గురించి ఏ చిన్న అప్డేట్ వచ్చినా అది సోషల్ మీడియాలో సెన్సేషన్ అవుతుంది. ప్రస్తుతం ఆయన ఫ్యాన్స్ అందరూ ఆసక్తిగా ఎదురుచూస్తున్న విషయం ఏమిటంటే.. మహేష్ బాబు తన తదుపరి సినిమాగా దేనిని ఎంచుకుంటారు? ఏ డైరెక్టర్తో ఆయన జతకడతారు? అనే విషయాలపైనే. ఈ విషయంలో ఇప్పుడు ఇండస్ట్రీలో రకరకాల వార్తలు చక్కర్లు కొడుతున్నాయి.ప్రస్తుతం సూపర్ స్టార్ మహేష్ బాబు తన దృష్టంతా పూర్తిగా తన తదుపరి భారీ ప్రాజెక్ట్ 'వారణాసి'పైనే పెట్టారు. ఆయన ప్రస్తుతం దీని కోసమే కష్టపడుతున్నారు. అయితే, ఆయన కొత్తగా ఏ సినిమాకు సంతకం చేయనప్పటికీ, ఇండస్ట్రీలో మాత్రం ఆయన తర్వాతి సినిమా దేని గురించి ఉంటుంది? ఏ జోనర్లో ఉంటుంది? అనే చర్చలు మాత్రం జోరుగా సాగుతున్నాయి.
తాజా ట్రేడ్ వర్గాల సమాచారం ప్రకారం, మహేష్ బాబు ఒక ఆసక్తికరమైన కథాంశంతో 'స్పోర్ట్స్ డ్రామా'లో నటించేందుకు ఆసక్తి చూపుతున్నట్లు తెలుస్తోంది. ప్రస్తుతం చేస్తున్న ప్రాజెక్ట్ పూర్తయ్యాక, ఈ తరహా కథాంశాన్ని ఆయన ఎంచుకునే అవకాశం ఉందని వినిపిస్తోంది. ఈ నేపథ్యంలో
మహేష్ బాబు తదుపరి చిత్రాల గురించి మరిన్ని ఆసక్తికరమైన రిపోర్టులు వస్తున్నాయి. రాబోయే నెలల్లో సినిమాల షెడ్యూల్స్ మరియు కథల అభివృద్ధిని బట్టి, సందీప్ రెడ్డి వంగా లేదా ప్రశాంత్ నీల్ వంటి స్టార్ డైరెక్టర్లతో మహేష్ బాబు కలిసి పనిచేసే అవకాశం ఉందని వార్తలు వినిపిస్తున్నాయి. అయితే, మరోవైపు ఇండస్ట్రీలో బలంగా వినిపిస్తున్న మాట ఏమిటంటే, మహేష్ బాబు తన తదుపరి ప్రాజెక్ట్ గురించి ప్రకటించడానికి ఏమాత్రం తొందరపడటం లేదు.
మహేష్ బాబు ప్రస్తుత ప్రాజెక్ట్ 'వారణాసి' ప్రపంచవ్యాప్తంగా ఎలాంటి ఫలితాన్ని అందుకుంటుంది, ప్రేక్షకులను ఎలా ఆకట్టుకుంటుంది అనే అంశాన్ని పరిశీలించిన తర్వాతే, తన భవిష్యత్తు చిత్రాల గురించి ఆయన తుది నిర్ణయం తీసుకోవాలని భావిస్తున్నారు. ప్రస్తుతానికి, ఈ స్పోర్ట్స్ డ్రామా అనేది కేవలం ఇండస్ట్రీలో నడుస్తున్న ఒక ప్రచారం మాత్రమే. ఒకవేళ ఇది నిజమైతే, మహేష్ బాబు అంతకుముందు చేయని ఒక కొత్త జోనర్ను, అదీ ఇంత భారీ స్థాయిలో చూడటం అభిమానులకు నిజంగా ఒక విందు సినీ క్రిటిక్స్ అభిప్రాయపడుతున్నారు.
