టాలీవుడ్లో ఇప్పుడు ఒక సెన్సేషనల్ న్యూస్ వైరల్ అవుతోంది. బ్లాక్ బస్టర్ డైరెక్టర్ అనిల్ రావిపూడి తన నెక్స్ట్ మూవీతో బాక్సాఫీస్ని షేక్ చేయడానికి రెడీ అయిపోయారు. అది కూడా ఒక సాదాసీదా సినిమా కాదు.. విక్టరీ వెంకటేష్ మరియు నందమూరి కళ్యాణ్ రామ్ కలిసి నటిస్తున్న భారీ మల్టీస్టారర్! రీసెంట్గా దీనిపై అధికారిక ప్రకటన వచ్చేసింది. ఈ ప్రాజెక్ట్ అనిల్ రావిపూడికి చాలా ప్రత్యేకం. ఎందుకంటే, అనిల్ రావిపూడికి డైరెక్టర్గా మొదటి అవకాశం పటాస్ సినిమాతో ఇచ్చింది కళ్యాణ్ రామ్. అలాగే, అనిల్ రావిపూడికి వరుసగా బిగ్గెస్ట్ హిట్స్ ఇచ్చింది వెంకటేష్. ఇప్పుడు తనకి లైఫ్ ఇచ్చిన హీరోలను ఒకే స్క్రీన్ పైకి తీసుకురావడం విశేషం. అందుకే ఈ మూవీని #VenkyAnil5 మరియు #NKRxAR అనే హ్యాష్ ట్యాగ్లతో సోషల్ మీడియాలో అనౌన్స్ చేశారు.
అనిల్ రావిపూడి అంటేనే ఎంటర్టైన్మెంట్. ఈ సినిమా కూడా ఒక క్లీన్ ఫ్యామిలీ ఎంటర్టైనర్ గా ఉండబోతోందని సమాచారం. గత కొద్ది రోజులుగా ఈ సినిమాలో ఫహద్ ఫాజిల్ విలన్గా నటిస్తారని, ఈ చిత్రానికి "బామ్మర్ది బాల్ రెడ్డి" అనే టైటిల్ పరిశీలనలో ఉందనే వార్తలు వినిపించాయి. కానీ ఇప్పుడు కళ్యాణ్ రామ్ ఎంట్రీతో కథలో మరిన్ని మార్పులు జరిగినట్లు తెలుస్తోంది. దగుబాటి-నందమూరి ఫ్యామిలీ హీరోలు ఒకే సినిమాలో అంటే అంచనాలు ఆకాశాన్ని తాకుతున్నాయి. ఈ మూవీని సంక్రాంతి 2027 కానుకగా రిలీజ్ చేయనున్నట్లు అధికారికంగా ప్రకటించారు. సంక్రాంతి సీజన్ అంటేనే అనిల్ రావిపూడికి అడ్డా! షూటింగ్ విషయానికి వస్తే, జూన్ 2026 నుండి రెగ్యులర్ షూట్ ప్రారంభం కానుంది. ప్రస్తుతం వెంకటేష్ త్రివిక్రమ్ శ్రీనివాస్ దర్శకత్వంలో బిజీగా ఉన్నారు.
ఆ సినిమా పూర్తయిన వెంటనే అనిల్ రావిపూడి ప్రాజెక్ట్లో జాయిన్ అవుతారు. ఈ చిత్రానికి సెన్సేషనల్ మ్యూజిక్ డైరెక్టర్ భీమ్స్ సిసిరోలియో సంగీతం అందించబోతున్నారు. అనిల్ రావిపూడి రీసెంట్ మూవీ 'మన శంకర వరప్రసాద్ గారు' ఇండస్ట్రీ హిట్ తర్వాత వస్తున్న సినిమా కావడంతో బిజినెస్ పరంగా కూడా భారీ క్రేజ్ ఉంది. వెంకీ మామ టైమింగ్, కళ్యాణ్ రామ్ మాస్ ఎనర్జీ కలిస్తే థియేటర్లు దద్దరిల్లాల్సిందే! మరి ఈ క్రేజీ మల్టీస్టారర్ కోసం మీరు ఎంతగా వెయిట్ చేస్తున్నారో కామెంట్ చేయండి.
