దక్షిణాది చిత్రసీమలోనే కాకుండా పాన్ ఇండియా వ్యాప్తంగా తనకంటూ ప్రత్యేక గుర్తింపు తెచ్చుకున్న స్టార్ హీరోయిన్ సమంత రుత్ ప్రభు. వెండితెరపై ఆమె చూపించే అభినయం, సౌందర్యం ఎంతటి ప్రేక్షకులనైనా కట్టిపడేస్తాయి. అయితే కేవలం స్క్రీన్ మీదే కాకుండా, నిజ జీవితంలో ఎదురైన కష్టాలను, ఆరోగ్య సమస్యలను ధీటుగా ఎదుర్కొని నిలబడిన తీరు ఆమెను మిగతా నటీమణుల కంటే ప్రత్యేకంగా నిలబెడుతుంది.
ఇటీవల ఓ ఇంటర్వ్యూలో సమంత తన కెరీర్, ఆరోగ్య పరిస్థితి, రాబోయే ప్రాజెక్టులు మరియు యాక్షన్ రోల్స్ పై ఆసక్తికర వ్యాఖ్యలు చేశారు.
సమంత కెరీర్ పీక్ స్టేజ్లో ఉన్న సమయంలో 'మైయోసైటిస్' అనే అరుదైన స్వయం రోగనిరోధక వ్యాధి బారిన పడిన సంగతి తెలిసిందే.
మైయోసైటిస్ వచ్చిందని తేలినప్పుడు సమంత తీవ్రమైన ఆందోళనకు గురయ్యారట.
ఇకపై నన్ను సినిమాల్లోకి తీసుకోవడానికి నిర్మాతలు ఆలోచిస్తారేమో? నా కెరీర్ ఏమవుతుందో?" అని తీవ్రంగా భయపడినట్లు ఆమె స్పష్టం చేశారు. శారీరక నొప్పితో పాటు, భవిష్యత్తు గురించి కలిగిన అభద్రతా భావం ఆమెను ఎంతగానో వేధించింది.ఏదైనా అనారోగ్యం వస్తే కెరీర్ ముగిసిపోతుందనే అపోహలను చెరిపివేస్తూ, ఆ ప్రతికూల పరిస్థితి నుంచి తానెలా బయటపడిందో సమంత వెల్లడించారు.కేవలం నటిగా మాత్రమే పరిమితం కాకూడదని నిర్ణయించుకున్న సమంత, కెమెరా ముందు మాత్రమే కాకుండా కెమెరా వెనుక కూడా తన సత్తా చాటేందుకు సిద్ధమయ్యారు. ప్రస్తుతం ఆమె నటిగా తీరిక లేకుండా ఉంటూనే, సొంతంగా ప్రొడక్షన్ హౌస్ ప్రారంభించి వరుస ప్రాజెక్టులతో ఎంతో బిజీగా గడుపుతున్నారు.
తనకు నచ్చిన మంచి కథలను నిర్మిస్తూ, కొత్త ప్రతిభను ప్రోత్సహించడానికి ప్రాధాన్యం ఇస్తున్నారు. సాధారణంగా భారతీయ సినిమాల్లో ఫైట్లు, యాక్షన్ సీక్వెన్సెస్ అనగానే హీరోల పేర్లే గుర్తొస్తాయి. హీరోయిన్లను కేవలం గ్లామర్ పాత్రలకో లేదా కేవలం పరిమిత నటనకో కేటాయించే రోజులు ఉండేవి. కానీ సమంత ఆ మూస ధోరణిని పూర్తిగా తిరగరాశారు. ది ఫ్యామిలీ మ్యాన్ 2లో రాజి' పాత్రలో సమంత చూపిన రౌద్రం, బాడీ లాంగ్వేజ్ మరియు రియలిస్టిక్ స్టంట్స్ అంతర్జాతీయ స్థాయిలో ప్రశంసలు అందుకున్నాయి.వరుణ్ ధావన్తో కలిసి చేసిన సిటాడెల్ హై-వోల్టేజ్ స్పై థ్రిల్లర్ సిరీస్లో సమంత నమ్మశక్యం కాని యాక్షన్ సీన్స్ చేశారు.ఆమె చేసిన ఈ రియల్ స్టంట్స్కు ప్రేక్షకుల నుంచి ఊహించని స్థాయిలో గొప్ప ఆదరణ లభించిందని ఆమె సంతోషం వ్యక్తం చేశారు.
సాధారణంగా లేడీస్ యాక్షన్ సీన్స్ చేస్తే ప్రేక్షకులు అంత త్వరగా అంగీకరించరనే ఒక అభిప్రాయం పరిశ్రమలో ఉంది. ఆ పాత ఆలోచనా విధానాన్ని పూర్తిగా మార్చడమే తన ప్రధాన లక్ష్యమని సమంత తెలిపారు. ప్రస్తుతం సమంత ముంబైలో నివసిస్తూ తన వ్యక్తిగత జీవితాన్ని, వృత్తిపరమైన బాధ్యతలను సమతుల్యం చేసుకుంటున్నారు. సోషల్ మీడియా ద్వారా అభిమానులతో నిరంతరం టచ్లో ఉంటూ తన విశేషాలను పంచుకుంటున్నారు.ఒక వైపు నటిగా, మరోవైపు నిర్మాతగా కెమెరా ముందు, వెనుక ద్విపాత్రాభినయం చేస్తూ ముందుకు సాగుతున్న సమంత.. కేవలం ఒక నటి మాత్రమే కాదు, ఎంతోమందికి ధైర్యాన్ని ఇచ్చే రియల్ లైఫ్ రోల్ మోడల్ అని సామ్ అభిమానులు గర్వపడుతున్నారు.
