Telangana Election 2023: నవంబర్ 30న తెలంగాణ ఎన్నికలు.. షెడ్యూల్ విడుదల

తెలంగాణ ఎన్నికల నోటిఫికేషన్ విడుదల చేసిన ప్రధాన ఎన్నికల అధికారి. నోటిఫికేషన్ నుంచి నామినేషన్ వరకూ.. పోలిం నుంచి ఫలితాాల వరకూ అన్ని వివరాలను వెల్లడించింది.

The Chief Electoral Officer released the election schedule of four states along with Telangana

తెలంగాణతో పాటూ మిగిలిన నాలుగు రాష్ట్రాల ఎన్నికలకు గ్రీన్ సిగ్నల్ ఇచ్చింది కేంద్ర ఎన్నికల సంఘం. తాజాగా మీడియాతో మాట్లాడుతూ ఐదు రాష్ట్రాల అసెంబ్లీ ఎన్నికల వివరాలను ప్రకటించింది. తెలంగాణ, మధ్యప్రదేశ్, రాజస్థాన్, మిజోరాం, రాజస్థాన్ అసెంబ్లీ ఎన్నికలకు ఈ ఏడాదితో గడువు ముగియనున్న సంగతి తెలిసిందే. 40 రోజులపాటూ 5 రాష్ట్రాల్లో పర్యటించి క్షుణ్ణంగా పరిస్థితులను అధ్యయనం చేసినట్లు తెలిపారు సీఈసీ రాజీవ్ కుమార్. అలాగే ఐదు రాష్ట్రాల్లోని ఉన్నతాధికారులు, పార్టీల కీలక నేతలతో పలు సార్లు చర్చలు సమావేశాలు జరిపినట్లు వివరించారు. ఈ ఎన్నికల షెడ్యూల్ విడుదల చేసేందుకు గానూ గడిచిన ఆరు నెలలుగా కసరత్తు చేస్తున్నట్లు పేర్కొన్నారు. అలాగే వివిధ రాజకీయ పార్టీల నుంచి కొన్ని అభిప్రాయాలను స్వీకరించామన్నారు.

తెలంగాణలో ఎన్నికల షెడ్యూల్ వివరాలు..

• రాష్ట్ర వ్యాప్తంగా ఒకే విడతలో పోలింగ్
• నోటిఫికేషన్ విడుదల - నవంబర్ 3
• నామినేషన్ల దాఖలు చివరి తేది - నవంబర్ 10
• నామినేషన్ల పరిశీలన - నవంబర్ 13
• నామినేషన్ల ఉపసంహరణ చివరి తేది - నవంబర్ 15
• ఎన్నికలు నిర్వహించే తేది - నవంబర్ 30
• కౌంటింగ్ / ఎన్నికల ఫలితాలు ప్రకటన తేది - డిశంబర్ 03

తెలంగాణలో పోలింగ్ కేంద్రాల వివరాలు ఇలా..

• తెలంగాణలో మొత్తం ఓటర్ల సంఖ్య 3,17,17,389
• మొదటి సారి ఓటు హక్కు వినియోగించుకుంటున్న వారు 8లక్షల 11 వేల మంది
• తెలంగాణలో మొత్తం పోలింగ్ కేంద్రాలు 35వేల 356
• అందులో 27వేల 798 కేంద్రాలు వెబ్ క్యాస్టింగ్ లో ఉంటాయి
• ఎలక్షన్ కోసం 72 వేల బ్యాలెట్ యూనిట్లు అందుబాటులో ఉంచారు
• ఎన్నికల కోసం 57 వేల కంట్రోల్ యూనిట్లు ఏర్పాటు
• రాష్ట్ర వ్యాప్తంగా 56 వేల వీవీ ప్యాట్ యంత్రాలు సిద్దం చేశారుక
• తెలంగాణ వ్యాప్తంగా 80 ఏళ్లు పైబడిన వృద్ద ఓటర్ల సంఖ్య 4లక్షల 43 వేలు
• 80 ఏళ్లు దాటిన వారికి ఇంటి వద్ద నుంచే ఓటు వేసే అవకాశం కల్పించిన సీఈసీ

T.V.SRIKAR