ఆంధ్రప్రదేశ్లో రాబోయే మున్సిపల్ ఎన్నికల నగారా మ్రోగడానికి ముందే బెజవాడ రాజకీయం ఒక్కసారిగా హీటెక్కింది. ముఖ్యంగా విజయవాడ మేయర్ పీఠం ఈసారి ఎవరికి దక్కబోతోంది? చంద్రబాబు మార్క్ మేయర్ అభ్యర్థి ఎవరు కాబోతున్నారు? అనే చర్చ ఇప్పుడు తెలుగుదేశం పార్టీ వర్గాల్లో జోరుగా సాగుతోంది. ఈ రేసులోకి విజయవాడ సెంట్రల్ ఎమ్మెల్యే, టీడీపీ సీనియర్ నేత బొండా ఉమామహేశ్వరరావు కుమారుడు బొండా సిద్ధార్థ్ పేరు అనూహ్యంగా తెరపైకి వచ్చింది. చంద్రబాబు కూడా సిద్ధార్థ్ అభ్యర్థిత్వానికి గ్రీన్ సిగ్నల్ ఇచ్చారనే ప్రచారం నగరంలో జోరుగా నడుస్తోంది. అయితే ఇదే సీటుపై కన్నేసిన మరో కీలక నేత వంగవీటి రాధాకృష్ణకు మాత్రం కొన్ని సమీకరణాలు తీవ్ర నష్టాన్ని చేకూరుస్తున్నాయని టాక్ వినిపిస్తోంది. అసలు బొండా సిద్ధార్థ్కు ఉన్న ప్లస్ పాయింట్లు ఏంటి? వంగవీటి రాధకు మైనస్గా మారిన ఆ రెండు అంశాలు ఏంటి?
విజయవాడ మున్సిపల్ కార్పొరేషన్ ఎన్నికల్లో ఈసారి ప్రత్యక్ష పద్ధతిలో మేయర్ ఎన్నిక జరగబోతుండటంతో అభ్యర్థి ఎంపికపై టీడీపీ అధిష్ఠానం చాలా జాగ్రత్తగా అడుగులు వేస్తోంది. ఈ తరుణంలో బొండా సిద్ధార్థ్ వైపు పార్టీ శ్రేణులు మొగ్గు చూపడానికి కొన్ని బలమైన కారణాలు ఉన్నాయి. అందులో మొదటిది మరియు అత్యంత ముఖ్యమైనది.. పార్టీ పట్ల తిరుగులేని నిబద్ధత. గత ఐదేళ్ల వైసీపీ ప్రభుత్వ హయాంలో తెలుగుదేశం పార్టీ నాయకులు, కార్యకర్తలు ఎలాంటి దాడులు, అక్రమ కేసులను ఎదుర్కొన్నారో మనందరికీ తెలిసిందే. ఆ కష్టకాలంలో బొండా ఉమామహేశ్వరరావు కుటుంబం ఏమాత్రం వెనకడుగు వేయలేదు.
వైసీపీ నుంచి ఎన్నో ఆఫర్లు, ప్రలోభాలు, బెదిరింపులు వచ్చినప్పటికీ బొండా సిద్ధార్థ్ కానీ, ఆయన తండ్రి బొండా ఉమ కానీ ఎక్కడా లొంగలేదు. పార్టీ జెండాను మోస్తూ, స్థానిక తమ్ముళ్లకు అండగా నిలబడ్డారు. "మా సిద్ధార్థ్ ఎప్పుడూ పార్టీ మారలేదు, కష్టకాలంలోనూ టీడీపీ లైన్లోనే నడిచాడు" అని ఆయన వర్గం బెజవాడ రాజకీయంలో బలంగా వినిపిస్తోంది. ఈ నమ్మకమే ఇప్పుడు సిద్ధార్థ్కు అతిపెద్ద ప్లస్ పాయింట్గా మారింది. మేయర్ రేసులో ఆయన పేరు కూడా గట్టిగానే వినిపించింది. కానీ, రాధా విషయానికి వస్తే స్థానిక టీడీపీ క్యాడర్లో కొన్ని తీవ్రమైన అసంతృప్తులు వ్యక్తమవుతున్నాయి. అందులో మొదటి మైనస్ ఏంటంటే.. పార్టీ కార్యక్రమాల్లో యాక్టివ్గా ఉండకపోవడం.
గత ఐదేళ్లలో టీడీపీ కార్యకర్తలు రోడ్లపైకి వచ్చి పోరాటాలు చేస్తున్నప్పుడు, అనేక సందర్భాల్లో వంగవీటి రాధాకృష్ణ స్థానిక లోకల్ పాలిటిక్స్కు దూరంగా ఉంటూ వచ్చారు. కేవలం ఎన్నికల సమయంలో స్టార్ క్యాంపెయినర్గా నాలుగు, ఐదు నియోజకవర్గాల్లో తిరిగి ప్రచారం చేయడం మినహా.. విజయవాడ నగరంలో క్షేత్రస్థాయి క్యాడర్తో నిరంతర సంబంధాలను ఆయన కొనసాగించలేకపోయారనే టాక్ వినిపిస్తోంది. ఎప్పుడో ఎన్నికలప్పుడు వచ్చి ప్రచారం చేస్తే సరిపోదు, నిరంతరం జనంలో ఉండే వారికే టికెట్ ఇవ్వాలని స్థానిక తమ్ముళ్లు డిమాండ్ చేస్తున్నారు.
అంతేకాదు, వంగవీటి రాధకు ఉన్న రెండో అతిపెద్ద మైనస్ పాయింట్.. ప్రత్యర్థి పార్టీ నేతలతో ఉన్న అత్యంత సన్నిహిత సంబంధాలు. అవును, రాజకీయంగా తెలుగుదేశం పార్టీకి, చంద్రబాబు నాయుడికి బద్ధ శత్రువులుగా మారిన కొడాలి నాని, అలాగే వల్లభనేని వంశీలతో వంగవీటి రాధాకృష్ణకు వ్యక్తిగతంగా చాలా బలమైన స్నేహ బంధాలు ఉన్నాయి. గత వైసీపీ ప్రభుత్వ హయాంలో ఈ ఇద్దరు నేతలు టీడీపీ అధినాయకత్వంపై ఎలాంటి అనుచిత వ్యాఖ్యలు చేశారో బెజవాడ తమ్ముళ్లు ఇంకా మర్చిపోలేదు. అలాంటి నేతలతో రాధాకృష్ణ పదే పదే విందులు, వినోదాల్లో పాల్గొనడం, వారితో సన్నిహితంగా ఉండటం స్థానిక తెలుగుదేశం కార్యకర్తలకు అస్సలు నచ్చడం లేదు.
కష్టకాలంలో పార్టీ కోసం రక్తం చిందించిన నాయకులను కాదని, శత్రువులతో స్నేహం చేసే రాధాకృష్ణకు విజయవాడ లాంటి ప్రతిష్టాత్మక మేయర్ పీఠాన్ని ఎలా ఇస్తారంటూ అధిష్ఠానం వద్ద కొందరు సీనియర్లు లీకులు ఇస్తున్నారు. ఈ సమీకరణాలే చంద్రబాబు నాయుడి వద్ద కూడా రాధా గ్రాఫ్ను భారీగా తగ్గించేశాయని ప్రచారం జరుగుతోంది. విద్యావంతుడు, యువ నాయకుడు కావడంతో పాటు పార్టీ పట్ల పూర్తి నిబద్ధతతో ఉన్న బొండా సిద్ధార్థ్ వైపే అధిష్ఠానం మొగ్గు చూపే అవకాశాలు ఎక్కువగా కనిపిస్తున్నాయి. కష్టపడే వారికే గుర్తింపు ఉంటుందని చంద్రబాబు చెప్పే మాట నిజమైతే, సిద్ధార్థ్కే బెజవాడ మేయర్ టికెట్ దక్కడం ఖాయం అనిపిస్తోంది.
