టాలీవుడ్ మన్మథుడు, కింగ్ నాగార్జున ఫ్యాన్స్కు ఒక అదిరిపోయే గుడ్ న్యూస్. 'శివ'తో ట్రెండ్ సెట్ చేసి, 'అన్నమయ్య'తో భక్తి పారవశ్యంలో ముంచి, 'బంగార్రాజు'గా అలరించిన నాగ్.. ఇప్పుడు తన కెరీర్లో సెంచరీ మార్క్ను టచ్ చేయబోతున్నారు. అవును, నాగార్జున 100వ సినిమా పనులు ఇప్పుడు జెట్ స్పీడ్లో జరుగుతున్నాయి. నాగార్జున తన 100వ సినిమా కోసం ఏ స్టార్ డైరెక్టర్నో కాకుండా, కంటెంట్ మీద నమ్మకంతో ఒక యంగ్ డైరెక్టర్కు అవకాశం ఇచ్చారు.
తమిళంలో 'నితమ్ ఒరు వానమ్' సినిమాతో మెప్పించిన రా కార్తీక్ ఈ మైల్స్టోన్ మూవీని డైరెక్ట్ చేస్తున్నారు. ఈ సినిమాకు ప్రస్తుతానికి "కింగ్ 100" లేదా "లాటరీ కింగ్" అనే టైటిల్స్ పరిశీలనలో ఉన్నాయి. ఈ చిత్రాన్ని స్వయంగా నాగార్జునే తన సొంత బ్యానర్ అన్నపూర్ణ స్టూడియోస్పై అత్యంత భారీ బడ్జెట్తో నిర్మిస్తున్నారు. ఈ సినిమా షూటింగ్ ప్రస్తుతం శరవేగంగా జరుగుతోంది. రీసెంట్గా మైసూర్లో ఒక లాంగ్ షెడ్యూల్ పూర్తి చేసుకుంది. ఇది ఒక మాస్ యాక్షన్ ఎంటర్టైనర్ మాత్రమే కాదు, ఇందులో ఒక పీరియడ్ ఎలిమెంట్ కూడా ఉంటుందని సమాచారం.
నాగార్జున లుక్ ఈ సినిమాలో చాలా స్టైలిష్గా, మునుపెన్నడూ చూడని విధంగా ఉంటుందని టాక్. మనం' సినిమా తర్వాత అక్కినేని హీరోలందరినీ ఒకే ఫ్రేమ్లో చూడాలని ఫ్యాన్స్ కోరుకుంటున్నారు. ఈ 100వ సినిమాలో నాగ చైతన్య మరియు అఖిల్ అక్కినేని కీలకమైన క్యామియో రోల్స్లో కనిపిస్తారని గట్టి ప్రచారం జరుగుతోంది. ఈ సినిమాలో నాగార్జున సరసన సీనియర్ నటి టబు ఒక కీలక పాత్రలో నటిస్తుండటం విశేషం. అలాగే శ్రీలీల కూడా ఒక ముఖ్య పాత్రలో ఉండబోతున్నట్లు సమాచారం.
దేవి శ్రీ ప్రసాద్ సంగీతం అందిస్తున్నారు. ప్రస్తుత సమాచారం ప్రకారం, ఈ సినిమాను 2026 దసరా కానుకగా విడుదల చేయడానికి ప్లాన్ చేస్తున్నారు. రీసెంట్గా 'కూలీ' సినిమాలో నెగటివ్ షేడ్స్ ఉన్న పాత్రలో మెప్పించిన నాగ్, ఈ 100వ సినిమాలో పూర్తి స్థాయి హీరోగా పవర్ఫుల్ రోల్లో రాబోతున్నారు. అక్కినేని అభిమానులకు ఇది నిజంగా ఐ-ఫీస్ట్ అని చెప్పాలి. మరి నాగ్ 100వ సినిమా బాక్సాఫీస్ వద్ద ఎన్ని రికార్డులు క్రియేట్ చేస్తుందో చూడాలి.
