గ్లోబల్ స్టార్ ప్రభాస్ అభిమానులకు అదిరిపోయే గుడ్ న్యూస్ వచ్చేసింది. ‘కల్కి 2898 AD’, ‘సలార్’ వంటి భారీ బ్లాక్బస్టర్ల తర్వాత ప్రభాస్ నటిస్తున్న అత్యంత ప్రతిష్టాత్మకమైన చిత్రం ‘స్పిరిట్’. అర్జున్ రెడ్డి’, ‘యానిమల్’ చిత్రాలతో ఇండియన్ సినిమా బాక్సాఫీస్ను షేక్ చేసిన సంచలన దర్శకుడు సందీప్ రెడ్డి వంగా ఈ చిత్రానికి దర్శకత్వం వహిస్తున్నారు. వీరిద్దరి కాంబినేషన్లో సినిమా అనౌన్స్ అయినప్పటి నుంచే అంచనాలు ఆకాశాన్ని తాకాయి. కాగా, తాజాగా ఈ సినిమా షూటింగ్కు సంబంధించిన ఒక ఆసక్తికరమైన అప్డేట్ నెట్టింట హల్చల్ చేస్తోంది.
ప్రస్తుతం ‘స్పిరిట్’ సినిమా షూటింగ్ శరవేగంగా దూసుకుపోతోంది. ఈ సినిమా లేటెస్ట్ షెడ్యూల్ను ఎక్కడో కాకుండా మన భాగ్యనగరంలోనే ప్లాన్ చేశారు దర్శకుడు సందీప్ రెడ్డి వంగా.
హైదరాబాద్లోని అత్యంత చారిత్రాత్మకమైన కోఠి ఉమెన్స్ కాలేజీ ప్రాంగణంలో ఈ సినిమా కొత్త షెడ్యూల్ షూటింగ్ శరవేగంగా జరుగుతోంది. ఈ చారిత్రాత్మక కట్టడం వెనుక ఎంతో పెద్ద చరిత్ర ఉంది. ఇప్పుడు ఈ లొకేషన్లోనే ప్రభాస్ సినిమాలోని కొన్ని కీలకమైన సన్నివేశాలను చిత్రీకరిస్తుండటం విశేషం. ఈ తాజా షెడ్యూల్లో భాగంగా కేవలం యాక్షన్ సీక్వెన్స్లు మాత్రమే కాకుండా, కథకు ఎంతో కీలకమైన టాకీ పార్ట్ను కూడా కంప్లీట్ చేస్తున్నారట. ముఖ్యంగా ఈ షెడ్యూల్లో హీరో ప్రభాస్, హీరోయిన్ తృప్తి దిమ్రి మధ్య వచ్చే కొన్ని ఎమోషనల్ మరియు ఇంట్రెస్టింగ్ టాకీ పోర్షన్స్ను ఇక్కడే చిత్రీకరిస్తున్నట్లు సమాచారం. ‘యానిమల్’ సినిమాతో నేషనల్ క్రష్గా మారిన తృప్తి దిమ్రి, ప్రభాస్ పక్కన నటిస్తుండటంతో ఈ సీన్స్ ఎలా ఉండబోతున్నాయా అని ఫ్యాన్స్ ఎంతో ఈగర్గా వెయిట్ చేస్తున్నారు. వీరిద్దరి కెమిస్ట్రీ స్క్రీన్ మీద మ్యాజిక్ క్రియేట్ చేయడం ఖాయంగా కనిపిస్తోంది.
కథా నేపథ్యానికి అనుగుణంగా కోఠి ఉమెన్స్ కాలేజీ ఆవరణను చిత్ర యూనిట్ ఒక ప్రత్యేకమైన సెట్గా మార్చేసిందట. సినిమాలోని ఒక ముఖ్యమైన బ్లాక్ కోసం ఈ మార్పులు చేసినట్లు తెలుస్తోంది. కేవలం పగటి పూట మాత్రమే కాకుండా, ఈ లొకేషన్లో నైట్ షెడ్యూల్స్ కూడా ప్లాన్ చేశారు. రాత్రి వేళల్లో కూడా చిత్ర బృందం ఎంతో కష్టపడుతూ, సినిమాలోని కొన్ని కీలకమైన నైట్ సీన్స్ను షూట్ చేస్తున్నట్లు ఇండస్ట్రీ వర్గాల సమాచారం. క్వాలిటీ విషయంలో ఎక్కడా కాంప్రమైజ్ కాకుండా సందీప్ రెడ్డి వంగా ప్రతి షాట్ను ఎంతో అద్భుతంగా మలుస్తున్నారట. నిజానికి ‘స్పిరిట్’ సినిమాకు సంబంధించి ఇప్పటికే కొన్ని భారీ షెడ్యూల్స్ విజయవంతంగా పూర్తయ్యాయి. ముంబైతో పాటు మరికొన్ని ప్రాంతాల్లో హై-వోల్టేజ్ యాక్షన్ సీన్స్ మరియు కొన్ని ఇంట్రడక్షన్ సీన్స్ను ఇప్పటికే కంప్లీట్ చేశారు. ఇప్పుడు లేటెస్ట్గా హైదరాబాద్ నడిబొడ్డున ఈ షూటింగ్ జరుగుతుండటంతో స్థానిక ప్రభాస్ అభిమానులలో ఉత్సాహం రెట్టింపయింది.
తమ ఫేవరెట్ హీరో సిటీలోనే షూటింగ్ చేస్తుండటంతో లొకేషన్ గురించి సోషల్ మీడియాలో విపరీతంగా చర్చ నడుస్తోంది. ప్రభాస్ ఈ సినిమాలో పవర్ఫుల్ పోలీస్ ఆఫీసర్ పాత్రలో కనిపిస్తారని ఇండస్ట్రీలో గట్టి టాక్ నడుస్తోంది. సందీప్ రెడ్డి వంగా మార్క్ రగ్గడ్ అండ్ ఇంటెన్స్ యాక్షన్ ఎలిమెంట్స్తో ఈ క్యారెక్టర్ ఉండబోతోందట.ప్రభాస్ ప్రస్తుతం వరుస పాన్-ఇండియా ప్రాజెక్టులతో ఫుల్ బిజీగా ఉన్నారు. అందులో ‘స్పిరిట్’ సినిమాపై అటు ట్రేడ్ వర్గాల్లోనూ, ఇటు ప్రేక్షకుల్లోనూ అంచనాలు నెక్ట్స్ లెవల్లో ఉన్నాయి. సందీప్ రెడ్డి వంగా హీరోలను ప్రెజెంట్ చేసే విధానం చాలా డిఫరెంట్గా ఉంటుంది. అలాంటిది ప్రభాస్ లాంటి కటౌట్ను ఆయన ఎలా చూపిస్తారో అనే క్యూరియాసిటీ అందరిలోనూ ఉంది. అటు లవ్, ఇటు ఎమోషన్, ఇంకోవైపు ఊరమాస్ యాక్షన్తో ఈ చిత్రం రూపొందుతోంది.హైదరాబాద్ షెడ్యూల్ పూర్తయిన తర్వాత చిత్ర యూనిట్ తదుపరి షెడ్యూల్ కోసం విదేశాలకు వెళ్లే అవకాశం ఉందని సమాచారం. మొత్తానికి 'స్పిరిట్' సినిమా షూటింగ్ అప్డేట్స్ వింటుంటే, ప్రభాస్ ఖాతాలో మరో వెయ్యి కోట్ల సినిమా చేరడం ఖాయంగా కనిపిస్తోంది అని ప్రతీ అప్డేట్ చెప్పకనే చెబుతోంది.
