దర్శకధీరుడు ఎస్.ఎస్. రాజమౌళి దర్శకత్వంలో సూపర్ స్టార్ మహేష్ బాబు హీరోగా తెరకెక్కుతున్న అత్యంత ప్రతిష్టాత్మక చిత్రం 'వారణాసి'. ఈ భారీ యాక్షన్ అడ్వెంచర్ సినిమాలో ప్రియాంక చోప్రా, పృథ్వీరాజ్ సుకుమారన్ ముఖ్య పాత్రలలో నటిస్తున్నారు. అంతర్జాతీయ స్థాయిలో రూపొందుతున్న ఈ చిత్రంపై ఇప్పటికే ప్రపంచవ్యాప్తంగా భారీ అంచనాలు నెలకొన్నాయి. అయితే తాజాగా ఈ సినిమా మేకింగ్కు సంబంధించిన ఒక ఆసక్తికరమైన వార్త ఫిల్మ్ వర్గాల్లో తీవ్ర చర్చనీయాంశంగా మారింది. రాజమౌళి సినిమాలకు కథతో పాటు వాటి వెనుక జరిగే మేకింగ్ కష్టం, నటీనటుల ప్రిపరేషన్ కూడా ప్రేక్షకులను ఎంతో ఆకట్టుకుంటాయి. గతంలో 'బాహుబలి', 'ఆర్ఆర్ఆర్' చిత్రాల మేకింగ్ వీడియోలకు నెటిజన్ల నుండి ఊహించని స్పందన వచ్చింది.
అయితే 'వారణాసి' చిత్రానికి ప్రధాన దర్శకత్వం రాజమౌళి ఒకరే వహిస్తున్నారు. కానీ, ఈ ప్రాజెక్ట్తో మరో దర్శకుడు కూడా పనిచేస్తున్నట్లు వార్తలు వస్తున్నాయి. అసలు విషయమేమిటంటే, ఈ రెండో దర్శకుడికి ప్రధాన సినిమా దర్శకత్వంతో ఎలాంటి సంబంధం లేదు. సినిమా మేకింగ్పై ప్రత్యేక డాక్యుమెంటరీ రూపొందించడమే ఆయన బాధ్యత అని తెలుస్తోంది. ఈ ప్రత్యేక ప్రాజెక్ట్ కోసం 'గోగితా చిక్వైడ్జే' అనే మేకర్ను రాజమౌళి టీమ్ ఎంపిక చేసినట్లు ఊహాగానాలు వినిపిస్తున్నాయి. సాధారణంగా ఏ సినిమాకైనా షూటింగ్ పూర్తయ్యే సమయంలో మాత్రమే మేకింగ్ వీడియోలను ఎడిట్ చేస్తుంటారు. కానీ 'వారణాసి' విషయంలో మాత్రం మేకర్స్ చాలా భిన్నమైన వ్యూహంతో ముందుకు వెళ్తున్నట్లు సమాచారం. ప్రీ-ప్రొడక్షన్ దశ నుంచే మొత్తం ప్రయాణాన్ని డాక్యుమెంట్ చేస్తున్నారట.
నటీనటుల వర్క్షాప్స్ & ప్రిపరేషన్, నటీనటులు తమ పాత్రల కోసం పడే కష్టం, శిక్షణను రికార్డ్ చేస్తున్నారు. సినిమా కోసం వేస్తున్న భారీ సెట్లు, షూటింగ్ ఏర్పాట్లను కెమెరాలో బంధిస్తున్నారు.రాజమౌళి విజన్, భారీ యాక్షన్ సీన్స్ తెరకెక్కించే విధానాన్ని డాక్యుమెంటరీలో చూపించబోతున్నారు.అంతేకాకుండా, 'వారణాసి' డిజిటల్ హక్కులతో పాటు ఈ మేకింగ్ డాక్యుమెంటరీని కూడా ఒక ప్రత్యేక ప్యాకేజీగా ఓటీటీ ప్లాట్ఫామ్లకు విక్రయించాలని టీమ్ ఆలోచనలో ఉన్నట్లు ప్రచారం జరుగుతోంది. ఒకవేళ ఇది నిజమైతే, సినిమా మాత్రమే కాకుండా దాని మేకింగ్ డాక్యుమెంటరీ కూడా ఓటీటీలో ఒక ప్రత్యేకమైన కంటెంట్గా మారి సరికొత్త రికార్డులు సృష్టించే అవకాశం ఉంది.
