'సినిమా వాళ్లకు రాజకీయం ఏం తెలుసు? కెమెరా ముందు యాక్టింగ్ చేయడం వేరు.. రాష్ట్రాన్ని పాలించడం వేరు. అసలు ఈయన ఐదేళ్లు సీఎం సీట్లో కూర్చోగలడా?'.. ఇవీ తమిళనాడు సీఎం విజయ్ రాజకీయాల్లోకి వచ్చినప్పుడు ప్రత్యర్థులు చేసిన దారుణమైన కామెంట్స్. కానీ కట్ చేస్తే.. ఫలితాలు వచ్చిన రోజు 60 ఏళ్ల ద్రావిడ రాజకీయ కోటలను బద్దలు కొడుతూ తమిళనాడు ప్రజలు విజయ్కు తిరుగులేని అధికారాన్ని ఇచ్చారు. మే 10న ముఖ్యమంత్రిగా ప్రమాణ స్వీకారం చేసిన విజయ్.. కేవలం ఒకే ఒక్క నెలలో తన పాలనతో విమర్శకుల నోళ్లు ఎలా మూయించారో తెలుసా? సాంప్రదాయ రాజకీయాలకు భిన్నంగా ఒక సీఈఓ లాగా ఆయన తీసుకుంటున్న నిర్ణయాలు ఇప్పుడు దేశవ్యాప్తంగా హాట్ టాపిక్గా మారాయి. అసలు సీఎం విజయ్ నెల రోజుల్లో చేసిన ఆ సంచలనాలు ఏంటి?
అధికారంలోకి వచ్చిన కొన్ని గంటల్లోనే సినిమాలను మించిన రేంజ్లో విజయ్ డెసిషన్స్ తీసుకోవడం ప్రారంభించారు. ఎన్నికల్లో ఇచ్చిన హామీ ప్రకారం.. ప్రమాణ స్వీకారం చేసిన వెంటనే ఏకంగా 2.4 కోట్ల కుటుంబాలకు లబ్ధి చేకూర్చేలా 200 యూనిట్ల ఉచిత విద్యుత్ ఫైల్పై మొదటి సంతకం పెట్టారు. అంతటితో ఆగకుండా, మహిళలు మరియు చిన్నారుల భద్రత కోసం ప్రత్యేకంగా 'సింగప్పేణ్' టాస్క్ ఫోర్స్ను రంగంలోకి దించారు. అంతేకాదు.. గుడులు, బడులు, చర్చిలు, మసీదులు మరియు బస్టాండ్లకు 500 మీటర్ల పరిధిలో ఉన్న 717 ప్రభుత్వ మద్యం షాపులను కేవలం రెండు వారాల గడువులోగా శాశ్వతంగా మూసివేయించి మహిళల గుండెల్లో చెరగని ముద్ర వేశారు.
నిర్ణయాల కంటే ఎక్కువగా సీఎం విజయ్ వర్కింగ్ స్టైల్ ఇప్పుడు తమిళనాడు బ్యూరోక్రసీని షేక్ చేస్తోంది. తమిళనాడు రాజకీయాల్లో దశాబ్దాలుగా లీడర్లు తెల్లటి పంచె, అంగీ కట్టడం ఒక ఆనవాయితీ. కానీ విజయ్ ఆ ట్రెండ్ను బ్రేక్ చేశారు. ప్రతిరోజూ పక్కాగా బ్లాక్ సూట్, వైట్ షర్ట్ వేసుకుని సరికొత్త మోడరన్ అడ్మినిస్ట్రేటర్లా సచివాలయానికి వస్తున్నారు. అంతేకాదు, ఉదయం 10 గంటలకల్లా సీట్లో కూర్చుని.. సాయంత్రం 6 గంటల వరకు నిరంతరం ఫైళ్లను క్లియర్ చేస్తున్నారు. ఆఖరికి లంచ్ కూడా ఇంటి నుండే తెచ్చుకుని, ఆఫీస్ రూములోనే తింటూ టైమ్ వేస్ట్ కాకుండా చూసుకుంటున్నారు. ఐఏఎస్, ఐపీఎస్ అధికారులకు కూడా కచ్చితమైన పంక్చువాలిటీ రూల్స్ పెట్టారు. 'నేను లీడర్ని కాదు.. ఈ రాష్ట్రానికి సీఈఓ' అని తన ప్రవర్తనతో నిరూపిస్తున్నారు.
ఇక రీసెంట్గా కలెక్టర్లు, పోలీస్ బాస్లతో జరిగిన మీటింగ్లో విజయ్ ఇచ్చిన ఆర్డర్స్ చూస్తే ఎవరికైనా మైండ్ బ్లాక్ అవ్వాల్సిందే. రాజకీయ జోక్యం అస్సలు లేకుండా క్రిమినల్స్పై ఫీర్లెస్ యాక్షన్ తీసుకోవాలని, ఎంతటి ప్రభావవంతమైన నేరస్థుడైనా సరే వదిలిపెట్టవద్దని పోలీసులకు పూర్తి స్వేచ్ఛనిచ్చారు. అలాగే రాష్ట్రంలోని సాధారణ ప్రజల కోసం తమిళనాడు ప్రభుత్వ రవాణా సంస్థకు చెందిన అన్ని పబ్లిక్ బస్సులను విడతలవారీగా ఎయిర్ కండిషన్డ్ గా మారుస్తామని ప్రకటించారు. రాజకీయంగా కేంద్ర ప్రభుత్వంతో విభేదాలు ఉన్నప్పటికీ.. రాష్ట్ర ప్రయోజనాల కోసం పీఎం మోదీని కలవడం, నీతి ఆయోగ్ సమావేశంలో పాల్గొనడం వంటివి చేసి తన పరిణతిని నిరూపించుకున్నారు. 2035 కల్లా తమిళనాడు ఎకానమీని 1.5 ట్రిలియన్ డాలర్లకు తీసుకెళ్లాలనే ఆయన విజన్ను చూసి నీతి ఆయోగ్ వైస్ చైర్మన్ అశోక్ కుమార్ లాహిరి కూడా బహిరంగంగా ప్రశంసలు కురిపించారు.
గతంలో డీఎంకే ప్రభుత్వం ప్రవేశపెట్టిన కొన్ని కమర్షియల్ ప్రాజెక్టులను రద్దు చేసి, ఆ హిందూ దేవాలయాల నిధులను తిరిగి ఆలయాల అభివృద్ధి కోసమే ఖర్చు చేయాలని విజయ్ తీసుకున్న నిర్ణయం కూడా సంచలనంగా మారింది. వెట్రి తమిళగం విజన్ డాక్యుమెంట్ ద్వారా అవినీతి లేని పాలనను అందించడమే లక్ష్యంగా ఆయన ముందుకు సాగుతున్నారు. కేవలం వెండితెరపైనే కాదు.. ఇప్పుడు రియల్ లైఫ్ పొలిటికల్ స్క్రిప్ట్లోనూ విజయ్ బ్లాక్బస్టర్ హిట్టు కొట్టేలా కనిపిస్తున్నారు.
