నటుడిగా తనదైన కామెడీ టైమింగ్తో ప్రేక్షకులను అలరిస్తూనే, దర్శకుడిగా కూడా సత్తా చాటుతున్నారు ఆర్జే బాలాజీ. ‘మూకుత్తి అమ్మన్’, ‘వీట్ల విశేషం’ వంటి విజయవంతమైన చిత్రాల తర్వాత ఆయన దర్శకత్వంలో వస్తున్న తాజా చిత్రం ‘కరుప్పు’. ఈ సినిమా తెలుగులో ‘వీరభద్రుడు’ అనే టైటిల్తో విడుదల కానుంది. స్టార్ హీరో సూర్య ప్రధాన పాత్రలో నటించిన ఈ చిత్రం మే 14న ప్రేక్షకుల ముందుకు రాబోతోంది. ఈ సందర్భంగా జరిగిన ఒక ఇంటర్వ్యూలో ఆర్జే బాలాజీ సినిమాకు సంబంధించిన పలు ఆసక్తికర విషయాలను పంచుకున్నారు.ఈ సినిమా గురించి బాలాజీ చెప్పిన విశేషాల్లో అత్యంత ఆసక్తికరమైనది హీరోయిన్ ఎంపిక. ఇందులో కథానాయికగా సౌత్ క్వీన్ త్రిష నటిస్తున్నారు. సూర్య మరియు త్రిష కాంబినేషన్ అనగానే మనకు వెంటనే గుర్తొచ్చే సినిమా 'ఆరు'. ఆ సినిమా తర్వాత వీరిద్దరూ కలిసి మళ్లీ వెండితెరపై కనిపించలేదు. సరిగ్గా 22 ఏళ్ల తర్వాత మళ్లీ ఈ క్రేజీ కాంబినేషన్ ‘వీరభద్రుడు’ తమాళంలో కరుప్పు ద్వారా రిపీట్ అవుతుండటం గమనార్హం.
ఆర్జే బాలాజీ మాట్లాడుతూ.. "గతంలోనే త్రిషతో ఒక సినిమా చేయాలని అనుకున్నాను, కానీ కొన్ని కారణాల వల్ల అది సాధ్యపడలేదు. అందుకే ఈ కథ సిద్ధమైనప్పుడు త్రిషను సంప్రదించాను. స్క్రిప్ట్ వినగానే ఆమెకు విపరీతంగా నచ్చేసింది. ముఖ్యంగా ఆమె పోషించిన పాత్రలోని లోతు, కథలో ప్రాధాన్యత చూసి వెంటనే గ్రీన్ సిగ్నల్ ఇచ్చారు" అని తెలిపారు. షూటింగ్ సమయంలో త్రిష చూపించిన అంకితభావాన్ని బాలాజీ ప్రత్యేకంగా కొనియాడారు. "తనకు సంబంధించిన సీన్ల షూటింగ్ పూర్తయినప్పటికీ, సినిమాపై ఉన్న ఇష్టంతో ఆమె ప్రతిరోజూ సెట్కు వచ్చేవారు. షూటింగ్ వాతావరణాన్ని ఎంజాయ్ చేస్తూ టీమ్తో కలిసి ఉండేవారు" అని ఆయన చెప్పుకొచ్చారు. సూర్య మరియు త్రిష మధ్య ఉండే కెమిస్ట్రీ ఈ సినిమాకు ప్రధాన ఆకర్షణగా నిలవబోతుందని ఆయన ఆశాభావం వ్యక్తం చేశారు.
‘వీరభద్రుడు’ ఒక ఇంటెన్స్ డ్రామాగా ఉండబోతుందని సమాచారం. ఆర్జే బాలాజీ తన మార్కు ఎంటర్టైన్మెంట్తో పాటు ఒక బలమైన సామాజిక అంశాన్ని కూడా ఈ చిత్రంలో చర్చించబోతున్నట్లు తెలుస్తోంది. సూర్య తన గత చిత్రాలకు భిన్నంగా ఈ సినిమాలో ఒక కొత్త లుక్లో కనిపిస్తున్నారు. ప్రస్తుతం ఈ సినిమాకు సంబంధించిన పోస్ట్ ప్రొడక్షన్ పనులు వేగంగా జరుగుతున్నాయి. మే 14న వేసవి కానుకగా ఈ చిత్రాన్ని భారీ స్థాయిలో విడుదల చేసేందుకు నిర్మాతలు సన్నాహాలు చేస్తున్నారు. చాలా కాలం తర్వాత సూర్య-త్రిష జోడీని చూడబోతుండటంతో అభిమానుల్లో అంచనాలు ఆకాశాన్ని తాకుతున్నాయి. ‘అమ్మోరు తల్లి’ లాంటి సెన్సిబుల్ హిట్స్ ఇచ్చిన బాలాజీ, ఇప్పుడు మాస్ హీరో సూర్యను ఎలా చూపిస్తారో అన్న ఉత్కంఠ అందరిలోనూ నెలకొంది. ఆర్జే బాలాజీ విజన్, సూర్య పవర్ ప్యాక్డ్ పెర్ఫార్మెన్స్, మరియు త్రిష గ్లామర్ కలగలిసి ‘వీరభద్రుడు’ బాక్సాఫీస్ వద్ద వండర్స్ క్రియేట్ చేస్తుందని సినీ విశ్లేషకులు భావిస్తున్నారు.
