ప్రస్తుతం సోషల్ మీడియాలో ఒక ఫోటో తెగ వైరల్ అవుతోంది. అదేంటంటే.. తమిళనాడు మాజీ ముఖ్యమంత్రులు, లెజెండరీ జోడీ అయిన MGR మరియు జయలలిత ఫోటో పక్కన, తమిళ సూపర్ స్టార్ విజయ్ మరియు త్రిష ఫోటోను ఉంచి సరిపోల్చడం. విజయ్ స్థాపించిన 'తమిళగ వెట్రి కళగం' పార్టీలో త్రిష చేరబోతోందా? మళ్ళీ తమిళ రాజకీయాల్లో హిస్టరీ రిపీట్ కాబోతోందా? అనేది ఇప్పుడు సెన్సేషన్ గా మారింది. తమిళ రాజకీయాలను విశ్లేషించాలంటే ముందుగా MGR - జయలలిత, సినిమాల్లో బ్లాక్ బస్టర్ జోడీగా పేరు తెచ్చుకున్నారు. MGR రాజకీయాల్లోకి వచ్చి AIADMK పార్టీని స్థాపించినప్పుడు, జయలలిత ఆయనకు వెన్నుముకగా నిలిచింది.
ఆయన మరణానంతరం ఆమె పార్టీ బాధ్యతలు చేపట్టి, తమిళనాడు రాజకీయాలను శాసించింది.ఇప్పుడు సరిగ్గా అదే తరహాలో విజయ్ - త్రిష జోడీని ప్రజలు గమనిస్తున్నారు. విజయ్ మరియు త్రిష సినిమాల్లో మోస్ట్ సక్సెస్ఫుల్ జోడీ. 'గిల్లి', 'కురువి', 'తిరుపాచి' నుండి మొన్నటి 'లియో' వరకు వీరిద్దరి మధ్య కెమిస్ట్రీ ప్రేక్షకులకు బాగా నచ్చుతుంది. విజయ్ తన పార్టీ TVK ని ప్రకటించినప్పటి నుండి, ఆయన వెనుక నమ్మకమైన వ్యక్తులు ఎవరు ఉంటారనే చర్చ నడుస్తోంది.ఈ క్రమంలో త్రిష పేరు తెరపైకి రావడం విశేషం. సినిమాల్లో హిట్ అయిన ఈ జోడీ, రాజకీయాల్లో కూడా కలిసి నడుస్తే ఆ ఇంపాక్ట్ ఎలా ఉంటుందో అని తమిళనాడు మొత్తం ఆసక్తిగా ఎదురుచూస్తుంది. విజయ్ పార్టీని ప్రకటించారు కానీ, ఇంకా పూర్తిస్థాయిలో మేనిఫెస్టో లేదా ఇతర నాయకులను ప్రకటించలేదు.త్రిష వంటి పాపులర్ హీరోయిన్ పార్టీలో చేరితే మహిళా ఓటర్లను ఆకర్షించడం సులభం అవుతుంది.
అయితే, ఎంజీఆర్-జయలలిత కాలం వేరు, ఇప్పటి కాలం వేరు. అప్పట్లో సినిమా గ్లామర్ కు ఉన్న క్రేజ్ ఇప్పుడు రాజకీయాల్లో ఓట్లుగా మారుతుందా అనేది ఒక సవాల్. విజయ్ అభిమానులు "వచ్చే ఎన్నికల్లో మ్యాజిక్ జరగబోతోంది" అని కామెంట్ చేస్తుంటే, మరికొందరు "సినిమాలను రాజకీయాలను ముడిపెట్టవద్దు" అని అభిప్రాయపడుతున్నారు.
త్రిష తన రాజకీయ ఎంట్రీపై ఇప్పటివరకు ఎటువంటి అధికారిక ప్రకటన చేయలేదు, కానీ విజయ్ పార్టీ కార్యకలాపాల్లో ఆమె కనిపిస్తే మాత్రం అది తమిళ రాజకీయాల్లో పెద్ద మలుపు అవుతుంది.
